ମେଲବୋର୍ନ,୧୧।୨: ବିଶ୍ୱର ନମ୍ବର ଓ୍ବାନ ଟେଷ୍ଟ ବ୍ୟାଟର ମାର୍ନସ ଲବୁସାନେ ଭାରତୀୟ ଭେଟେରାନ ସ୍ପିନର ରବିଚନ୍ଦ୍ରନ ଅଶ୍ୱିନଙ୍କ ପ୍ରଶଂସାରେ ଶତମୁଖ ହୋଇଛନ୍ତି। ଗତ ୨୦୨୦-୨୧ ବର୍ଡର-ଗାଭାସ୍କର ସିରିଜ୍ ବେଳେ ୩୪ ବର୍ଷୀୟ ସ୍ପିନର ମୋ ପାଇଁ ଯେଉଁ ଭଳି ଫିଲ୍ଡ ସେଟ୍ କରିଥିଲେ, ତାହାର ମୁଁ ମଜା ନେଇଥିଲି। ତାହା ମୋତେ ପ୍ରାୟ ଚେସ୍ ଗେମ୍ ଭଳି ଲାଗୁଥିଲା ବୋଲି ଅଷ୍ଟ୍ରେଲିଆନ ବ୍ୟାଟର ଏକ ସାକ୍ଷାତ୍କାରରେ କହିଛନ୍ତି।
“ ଯେଉଁ ଫିଲ୍ଡ ସେଟିଂ ନେଇ ଅଶ୍ୱିନ ମୋତେ ବୋଲିଂ କରିଥିଲେ ଏବଂ ଫିଲ୍ଡକୁ ପରିବର୍ତ୍ତନ କରିବା ଲାଗି ମୁଁ ଯେଉଁ ଭଳି ଖେଳିଥିଲେ ମୋତେ ସବୁଠୁ ଭଲ ଲାଗିଲା। ଆମ ଦୁହିଁଙ୍କ ମଧ୍ୟରେ ଯେଉ’ଁଭଳି ମୁକାବିଲା ଚାଲିଥିଲା, ତାହା ମୋତେ ପ୍ରାୟ ଚେସ୍ ଗେମ୍ ଲାଗୁଥିଲା। ସେ ମେଲବୋର୍ନରେ ଚମତ୍କାର ବୋଲିଂ କରି ଲେଗ୍ ସ୍ଲିପ୍ରେ ପ୍ରାରମ୍ଭିକ ଉଇକେଟ ନେଇ ଯାଇଥିଲେ” ବୋଲି ଲବୁସେନ କହିଛନ୍ତି।
ଭାରତ ୨-୧ ବ୍ୟବଧାନରେ ଅଷ୍ଟ୍ରେଲିଆକୁ ହରାଇ ବର୍ଡର ଗାଭାସ୍କର ଟ୍ରଫି ବଜାୟ ରଖିଥିଲା। ଐତିହାସିକ ସିରିଜ୍ ବିଜୟରେ ଉଲ୍ଲେଖନୀୟ ଥିଲା ଅଶ୍ୱିନଙ୍କ ଯୋଗଦାନ। ୩ ମ୍ୟାଚ୍ ଖେଳି ସେ ୧୨ ଉଇକେଟ ନେଇଥିଲେ। ଏହାବଦ୍ ହନୁମା ବିହାରୀଙ୍କ ସହ ମିଶି ଅଶ୍ୱିନ ତୃତୀୟ ଟେଷ୍ଟରେ ଟିମ୍ ଇଣ୍ଡିଆକୁ ପରାଜୟରୁ ବଞ୍ଚାଇଥିଲେ।