ଭୁବନେଶ୍ୱର,୧୩।୧୧: ରାଜ୍ୟର ପ୍ରମୁଖ ଘରୋଇ ମନୋରଞ୍ଜନଭିତ୍ତିକ ଓଡ଼ିଶା ଚ୍ୟାନେଲ ଜୀ ସାର୍ଥକର ନୂଆ ଓଡ଼ିଆ ସିନେମା ‘ଅଳ୍ପ ଦିନର ଗଳ୍ପ ଆମର’ ଅକ୍ଟୋବର ୧୬ ସନ୍ଧ୍ୟା ୬.୩୦ ମିନିଟ୍ରେ ପ୍ରସାରିତ ହେବ ବୋଲି ଜଣାପଡିଛି। ଏହା ପୂର୍ବରୁ ବୁଧବାର ଏକ ତାରକା ହୋଟେଲରେ ସିନେମାର ଅଡିଓ ରିଲିଜ୍ ସିନେମାର ନାୟକ ଓ ନାୟିକାଙ୍କ ଦ୍ୱାରା ହୋଇଯାଇଛି। ଉକ୍ତ ସିନେମାରେ ନବାଗତ ଜ୍ୟୋତି ଓ ସାୟଲ୍ ନଜର ଆସିଛନ୍ତି। ଟିନ୍ ଏଜ୍ ପ୍ରେମ କାହାଣୀକୁ ନେଇ ଉକ୍ତ ସିନେମା ନିର୍ମାଣ ହୋଇଛି।
ଅଜୟ ରାଉତ ପ୍ରଯୋଜିତ ଓ ଅଶୋକ ପତି ନିର୍ଦ୍ଦେଶିତ ଉକ୍ତ ସିନେମାରେ ଲଭ୍ କ୍ଲାଇମାକ୍ସ ଓ ପାରିବାରିକର ଏକ ମିଶ୍ରଣ କାହାଣୀ ସାମିଲ ରହିଛି। ସେହିପରି ପୁଷ୍ପକ ପରିଡ଼ା ଗୀତଗୁଡ଼ିକ ରଚନା କରିଥିବା ବେଳେ ଆସାଦ ନିଜାମ୍ ସଙ୍ଗୀତ ନିର୍ଦ୍ଦେଶନା ଦେଇଛନ୍ତି। ଏପରିକି ଭରଦ୍ୱାଜ ପଣ୍ଡା ଏମିତି ଏକ ଲଭ୍ ଷ୍ଟୋରିକୁ ରଚନା କରିବା ସହ ବେଶ୍ ଚମତ୍କାର ଭାବେ ଶବ୍ଦରେ ମଧ୍ୟ ସଜାଇଛନ୍ତି ଏବଂ ସତ୍ୟଜିତ, ଅସୀମା, କୁଲଦୀପ, ଆଶୁତୋଷ ପ୍ରମୁଖ ଉକ୍ତ ସିନେମାରେ କଣ୍ଠଦାନ କରିଛନ୍ତି। ସାୟାଲ ଓ ଜ୍ୟୋତି ପ୍ରଥମ ଥର ପାଇଁ ଜୀ ସାର୍ଥକ ବ୍ୟାନରରେ ଏକାଠି ନଜର ଆସିବେ। ଉକ୍ତ ସିନେମାର ମ୍ୟୁଜିକ ଭିଡିଓର ଲୋକପ୍ରିୟତା ପରେ ସିନେମାକୁ ମଧ୍ୟ ଦର୍ଶକ ଆହୁରି ଭଲ ପାଇବା ଦେବେ ବୋଲି ଜୀ ସାର୍ଥକ ପକ୍ଷରୁ କୁହାଯାଇଛି।