ଭୁବନେଶ୍ୱର,୧।୧୨: ମେକ୍ ଇନ୍ ଓଡ଼ିଶା (ଏମ୍ଆଇଓ) କନ୍କ୍ଲେଭ-୨୨ ବୁଧବାର ଆନୁଷ୍ଠାନିକ ଭାବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦ୍ୱାରା ଉଦ୍ଘାଟିତ ହୋଇଯାଇଛି। ଏପରିକି ଉକ୍ତ କନ୍କ୍ଲେଭରେ ବେଦାନ୍ତ ଆଲୁମିନିୟମ ମଧ୍ୟ ଅଂଶଗ୍ରହଣ କରିଛି। ଏହି ପରିପ୍ରେକ୍ଷୀରେ ବେଦାନ୍ତ ଆଲୁମିନିୟମର ଏକ ସର୍ବବୃହତ୍ ଷ୍ଟଲ୍ର ମଧ୍ୟ ଶୁଭାରମ୍ଭ ହୋଇଯାଇଛି।
ଏମ୍ଆଇଓରେ କମ୍ପାନୀର ‘ଆଲୁମିନିୟମ ୱାର୍ଲଡ’ ନାମରେ ଏକ ବୃହତ୍ ମଣ୍ଡପ ଉଦ୍ଘାଟିତ ହୋଇଯାଇଛି। ଏ ସମ୍ପର୍କରେ କମ୍ପାନୀର ସିଇଓ (ଆଲୁମିନିୟମ ବ୍ୟବସାୟ) ରାହୁଲ ଶର୍ମା କହିଛନ୍ତି, ଏମ୍ଆଇଓର ୩ୟ ସଂସ୍କରଣରେ ଅଂଶ ଗ୍ରହଣ କରି ଆମେ ବେଶ୍ ଉତ୍ସାହିତ ଅଛୁ। ଏପରିକି କଳା ସଂସ୍କୃତି ଓ ଇତିହାସ ସାଙ୍ଗକୁ ପ୍ରାକୃତିକ ସମ୍ପଦର ଗନ୍ଥାଘର ଓଡ଼ିଶାରେ କମ୍ପାନୀ ତା’ର କାର୍ଯ୍ୟକ୍ଷେତ୍ର ସହ ବିକାଶ ଦିଗରେ ଅଗ୍ରସର ହେଉଛି। ବିଶେଷକରି ଏସ୍ଆଇଓରେ କମ୍ପାନୀ ମଣ୍ଡପ ସବୁ ବର୍ଗର ଦର୍ଶକଙ୍କୁ ଆକୃଷ୍ଠ କରିପାରିଛି ବୋଲି ସେ ମତପ୍ରକାଶ କରିଛନ୍ତି।
ଭାରତରେ ଆଲୁମିନିୟମର ସର୍ବବୃହତ୍ ଉତ୍ପାଦକ ‘ବେଦାନ୍ତ ଆଲୁମିନିୟମ’ ଷ୍ଟଲ୍ରେ ଉଭୟ ଭର୍ଚୁଆଲ୍ ଏବଂ ବର୍ଦ୍ଧିତ ବାସ୍ତବତା ସହ ଲାଇଭ୍ ଆର୍ଟ ଏବଂ ହସ୍ତତନ୍ତ ତିଆରି ଓ ଅନ୍ୟାନ୍ୟ ଇମର୍ସିଭ୍ ଟେକ୍ନୋଲୋଜିର ସମ୍ଭାର ଏକାଠି କରିପାରିଛି। ଉଦ୍ଘାଟନୀ ଅବସରରେ ଆଲୁମିନିୟମ୍ ୱାର୍ଲଡକୁ ଅନୁଭବ କରିବାକୁ ଆସିଥିବା ଅସଂଖ୍ୟ ପରିଦର୍ଶକ ଷ୍ଟଲ୍ରେ ଭିଡ଼ ଜମାଇଥିବା ଦେଖାଯାଇଥିଲା। ଆଗାମୀ ଦିନରେ ମଧ୍ୟ କମ୍ପାନୀ ଦର୍ଶକମାନଙ୍କ ପାଇଁ ଆହୁରି ଅନେକ ପଦକ୍ଷେପ ଏବଂ କାର୍ଯ୍ୟକଳାପ ଆଣିଦେବ ବୋଲି କୁହାଯାଇଛି।