ଛତ୍ରପୁର, ୨।୧୧(ଦିଲୀପ ସାମଲ): ରାଜ୍ୟ ସରକାରଙ୍କର ଗ୍ରାମାଞ୍ଚଳର ସାମଗ୍ରିକ ଭିତିଭୂମି ଉନ୍ନୟନ ଏବଂ ଐତିହ୍ୟ ଓ ସଂସ୍କୃତିର ପ୍ରଚାର ପ୍ରସାର ଦ୍ୱାରା ଓଡିଶାର ରୂପାନ୍ତରଣ ପାଇଁ ଆରମ୍ଭ ହୋଇଛି ପ୍ରକ୍ରିୟା । ଏଥିପାଇଁ ରାଜ୍ୟ ସରକାର ଆମ ଓଡିଶା ନବୀନ ଓଡିଶା କାର୍ଯ୍ୟକ୍ରମ ଯୋଜନାରେ ପ୍ରତି ପଞ୍ଚାୟତକୁ ଯୋଗାଇଦେବେ ୫୦ ଲକ୍ଷ ଟଙ୍କା । ଏହି ଯୋଜନା ମାଧ୍ୟମରେ ଗାଁ ଠୁ ସହର ସବୁଠି ବିକାଶର କାର୍ଯ୍ୟ ତ୍ୱରାନ୍ବିତ ହେବ ।
ଏହି ପରିପ୍ରେକ୍ଷିରେ ଗୁରବାର ଗଞ୍ଜାମ ଜିଲାର ୨୨ଟି ବ୍ଲକରେ ଆମ ଓଡିଶା ନବୀନ ଓଡିଶା କାର୍ଯ୍ୟକ୍ରମର ଶୁଭାରମ୍ଭ କରିବେ। ଆଭାସି ମାଧ୍ୟମରେ ଏହି କାର୍ଯ୍ୟକ୍ରମର ଶୁଭାରମ୍ଭ ହେବ । ସେନେଇ ଜିଲାପ୍ରଶାସନ ପକ୍ଷରୁ ପ୍ରସ୍ତୁତି ଶେଷ ହୋଇଛି । ପ୍ରତି ବ୍ଲକରେ ଏହି କାର୍ଯ୍ୟକ୍ରମ ହେବ । ୨୨ଟି ବ୍ଲକର ୫୦୩ ପଞ୍ଚାୟତରେ ୫୭୦୬ଟି ପ୍ରକଳ୍ପ ପାଇଁ ୨୫୧ କୋଟି ୫୦ ଲକ୍ଷ ଖର୍ଚ୍ଚ ହେବ । ଆସିକା ନିର୍ବାଚନ ମଣ୍ଡଳୀର ୩୯ ପଞ୍ଚାୟତରେ ୩୬୭ଟି ପ୍ରକଳ୍ପ ପାଇଁ ୧୯ କୋଟି ୫୦ ଲକ୍ଷ ଖର୍ଚ୍ଚ ହେବ । ଭଞ୍ଜନଗର ନିର୍ବାଚନ ମଣ୍ଡଳୀର ୪୭ଟି ପଞ୍ଚାୟତରେ ୫୨୪ଟି ପ୍ରକଳ୍ପ ପାଇଁ ୨୩ କୋଟି ୫୦ ଲକ୍ଷ, ଛତ୍ରପୁର ନିର୍ବାଚନ ମଣ୍ଡଳିର ୩୩ଟି ପଚାଂୟତରେ ୩୩୬ଟି ପ୍ରକଳ୍ପ ପାଇଁ ୧୬ କୋଟି ୫୦ଲକ୍ଷ, ଚିକିଟି ନିର୍ବାଚନ ମଣ୍ଡଳୀର ୪୦ ଟି ପଞ୍ଚାୟତରେ ୩୮୫ଟି ପ୍ରକଳ୍ପ ପାଇଁ ୨୦ କୋଟି, ଦିଗପହିଣ୍ଡି ନିର୍ବାଚନ ମଣ୍ଡଳୀର ୪୨ଟି ପଞ୍ଚାୟତରେ ୫୪୩ ପ୍ରକଳ୍ପ ପାଇଁ ୨୧ କୋଟି , ଗୋପାଳପୁର ନିର୍ବାଚନ ମଣ୍ଡଳୀର ୩୭ ପଞ୍ଚାୟତରେ ୪୫୨ ପ୍ରକଳ୍ପ ପାଇଁ ୧୮ କୋଟି ୫୦ ଲକ୍ଷ, ହିଞ୍ଜିଳି ନିର୍ବାଚନ ମଣ୍ଡଳୀର ୪୩ଟି ପଞ୍ଚାୟତରେ ୫୦୮ ପ୍ରକଳ୍ପ ପାଇଁ ୨୧ କୋଟି ୫୦ଲକ୍ଷ, କବିସୂର୍ଯ୍ୟନଗର ନିର୍ବାଚନ ମଣ୍ଡଳୀର ୪୩ଟି ପଞ୍ଚାୟତର ୫୦୧ ପ୍ରକଳ୍ପ ପାଇଁ ୨୧ କୋଟି ୫୦ ଲକ୍ଷ, ଖଲ୍ଲିକୋଟ ନିର୍ବାଚନ ମଣ୍ଡଳୀର ୪୪ ପଞ୍ଚାୟତର ୫୦୮ ପ୍ରକଳ୍ପ ପାଇଁ ୨୨ କୋଟି, ପୋଲସରା ନିର୍ବାଚନ ମଣ୍ଡଳୀର ୪୭ଟି ପଞ୍ଚାୟତରେ ୪୯୫ଟି ପ୍ରକଳ୍ପ ପାଇଁ ୨୩ କୋଟି ୫୦ ଲକ୍ଷ, ସାନଖେମୁଣ୍ଡି ନିର୍ବାଚନ ମଣ୍ଡଳୀର ୪୪ଟି ପଞ୍ଚାୟତର ୪୮୨ଟି ପ୍ରକଳ୍ପ ପାଇଁ ୨୨କୋଟି, ସୋରଡା ନିର୍ବାଚନ ମଣ୍ଡଳୀର ୪୪ଟି ପଞ୍ଚାୟତର ୬୦୫ଟି ପ୍ରକଳ୍ପ ପାଇଁ ୨୨ କୋଟି ଖର୍ଚ୍ଚ ହେବ ବୋଲି ପ୍ରଶାସନ ପକ୍ଷରୁ କୁହାଯାଇଛି ।