ନୂଆଦିଲ୍ଲୀ,୨୧ା୯: ଅମର ପ୍ରୀତ୍ ସିଂହ ହେବେ ନୂଆ ବାୟୁସେନା ମୁଖ୍ୟ। ଏୟାର ମାର୍ଶଲ ଅମର ପ୍ରୀତ୍ ଏବେ ବାୟୁସେନା ଉପମୁଖ୍ୟ ଭାବେ କାର୍ଯ୍ୟରତ ଅଛନ୍ତି। ସରକାର ଏୟାର ମାର୍ଶଲ ଅମରଙ୍କୁ ବାୟୁସେନାର ପରବର୍ତ୍ତୀ ମୁଖ୍ୟ ଭାବରେ ନିଯୁକ୍ତ କରିଛନ୍ତି।
୩୦ ସେପ୍ଟେମ୍ବର ୨୦୨୪ ଅପରାହ୍ନରୁ ଅମର ପ୍ରୀତ ସିଂ ଏୟାର ଚିଫ୍ ମାର୍ଶଲ ବା ବାୟୁସେନା ମୁଖ୍ୟ ପଦ ଗ୍ରହଣ କରିବେ। ସେ ଏୟାର ଚିଫ୍ ମାର୍ଶଲ ବିବେକ ରାମ ଚୌଧୁରୀଙ୍କଠାରୁ ଦାୟିତ୍ୱ ଗ୍ରହଣ କରିବେ। ଯିଏ ସେହି ଦିନ ଅବସର ନେବେ।
୧ ଫେବୃଆରୀ ୨୦୨୩ରେ ଏୟାର ମାର୍ଶଲ ଅମର ପ୍ରୀତ୍ ଭାରତୀୟ ବାୟୁସେନାର ୪୭ ତମ ଉପମୁଖ୍ୟ ଭାବରେ ଦାୟିତ୍ୱ ଗ୍ରହଣ କରିଥିଲେ। ଭାରତୀୟ ବାୟୁସେନାରେ ତାଙ୍କର ଯାତ୍ରା ୧୯୮୪ରେ ଆରମ୍ଭ ହୋଇଥିଲା।
ଅମରଙ୍କୁ ୨୧ ଡିସେମ୍ବର ୧୯୮୪ରେ ଭାରତୀୟ ବାୟୁସେନାର ଯୁଦ୍ଧ ବିମାନରେ ନିଯୁକ୍ତ କରାଯାଇଥିଲା। ସମ୍ମାନଜନକ ସେଣ୍ଟ୍ରାଲ ଏୟାର କମାଣ୍ଡ (ସିଏସି) ଦାୟିତ୍ୱ ନେବା ପୂର୍ବରୁ ସେ ଇଷ୍ଟର୍ନ ଏୟାର କମାଣ୍ଡରେ ସିନିୟର ଏୟାର ଷ୍ଟାଫ୍ ଅଫିସର ଭାବରେ କାର୍ଯ୍ୟ କରିଥିଲେ।