ଚଣ୍ଡିଗଡ,୨୪।୧: ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂ ସୋମବାର ପଞ୍ଜାବ କଂଗ୍ରେସ ସଭାପତି ନବଜୋତ ସିଦ୍ଧୁଙ୍କ ଉପରେ ଏକ ବଡ ଅଭିଯୋଗ କରିଛନ୍ତି। ଅମରିନ୍ଦର ସିଂ କହିଛନ୍ତି, ପାକିସ୍ତାନର ପ୍ରଧାନମନ୍ତ୍ରୀ ତାଙ୍କୁ ଅନୁରୋଧ କରିଥିଲେ ଯେ ଯଦି ତୁମେ ନବଜୋତ ସିଦ୍ଧୁଙ୍କୁ ତୁମର କ୍ୟାବିନେଟରେ ନେଇ ପାରିବ, ତେବେ ମୁଁ କୃତଜ୍ଞ ହେବି। ସେ ମୋର ପୁରୁଣା ବନ୍ଧୁ। ଯଦି ସେ କାମ ନ କରି ପାରିବେ, ତେବେ ଆପଣ ତାଙ୍କୁ ହଟାଇ ପାରିବେ। ଜଣେ ସାଧାରଣ ଜ୍ଞାନୀ ବ୍ୟକ୍ତିଙ୍କ ମାଧ୍ୟମରେ ଏହି ବାର୍ତ୍ତା ପଠାଯାଇଥିବା ବୋଲି ସେ କହିଛନ୍ତି। ପଞ୍ଜାବ ନିର୍ବାଚନ ପାଖେଇ ଆସୁଥିବାରୁ ଗତ ବର୍ଷ ଠାରୁ କ୍ୟାପଟେନ ଏବଂ ସିଦ୍ଧୁଙ୍କ ମଧ୍ୟରେ କଥା କଟାକଟି ତୀବ୍ର ହେବାରେ ଲାଗିଛି। କ୍ୟାପଟେନ ସିଦ୍ଧୁଙ୍କୁ ପାକିସ୍ତାନ ସମର୍ଥକ ତଥା ଅସନ୍ତୁଳିତ ବ୍ୟକ୍ତି ଭାବରେ ବର୍ଣ୍ଣନା କରିଥିବାବେଳେ କ୍ୟାପଟେନଙ୍କ ପାଇଁ ସେ କଂଗ୍ରେସର ଦ୍ୱାର ବନ୍ଦ କରିଥିବା ସିଦ୍ଧୁ କହିଛନ୍ତି।