ଭୁବନେଶ୍ୱର, ୧୩ା୫(ସ୍ପୋଟର୍ସ ବ୍ୟୁରୋ): ଅମରିନ୍ଦର ସିଂ ଏକ ନୂଆ ଚୁକ୍ତିରେ ସ୍ବାକ୍ଷର କରିଥିବା ଓଡ଼ିଶା ଏଫ୍ସି ପକ୍ଷରୁ ଶୁକ୍ରବାର ଘୋଷଣା କରାଯାଇଛି। ଫଳତଃ ସେ ଏହି କ୍ଲବ ସହ ୨୦୨୬ ପର୍ଯ୍ୟନ୍ତ ରହିବେ। ୨୦୨୩ ହିରୋ ଇଣ୍ଡିଆନ ସୁପର ଲିଗ୍ (ଆଇଏସଏଲ୍)ରେ ଓଡ଼ିଶା ଏଫ୍ସି ପାଇଁ ସବୁଠାରୁ ସଫଳ ସିଜନ ରହିଥିଲା। ଦଳ ପ୍ରଥମ ଥର ସୁପର କପ୍ ଟାଇଟଲ ବିଜେତା ହୋଇଥିଲା। ଦଳର ସଫଳତା ପଛରେ ଅମରିନ୍ଦରଙ୍କର ବିଶେଷ ଭୂମିକା ରହିଥିଲା। ସୁପର କପ୍ରେ ସେ ଶ୍ରେଷ୍ଠ ଗୋଲ୍କିପର ଭାବେ ପୁରସ୍କୃତ ହୋଇଥିଲେ। ତ୍ରିରାଷ୍ଟ୍ରୀୟ ଟୁର୍ନାମେଣ୍ଟରେ ମଧ୍ୟ ଅମରିନ୍ଦରଙ୍କ ପ୍ରଦର୍ଶନ ଉଲ୍ଲେଖନୀୟ ରହିଥିଲା। ସେ ଗୁରପ୍ରୀତ୍ ସିଂ ସାନ୍ଧୁଙ୍କ ସହ ଶ୍ରେଷ୍ଠ ଗୋଲ୍କିପର ପୁରସ୍କାର ପାଇଥିଲେ। ୨୯ ବର୍ଷୀୟ ଏହି ଶଟ୍ ଷ୍ଟପର କ୍ଲବ ପାଇଁ ସ୍ଥିର ପ୍ରଦର୍ଶନ କରି ଆସିଥିଲେ। ଏହି ହିରୋ ଆଇଏସ୍ଏଲ୍ ସିଜନରେ ସେ କ୍ଲବ ତରଫରୁ ୨୧ ଥର ଖେଳିଛନ୍ତି। ତାଙ୍କର ଗୋଲରକ୍ଷଣ ହାର ୬୨%, କ୍ୟାଚ ସଂଖ୍ୟା ୧୧୨, ନଖୁଣ ପାସିଂ ହାର ୬୧% ରହିଛି। ପୁନଶ୍ଚ ସେ ଏକମାତ୍ର ଗୋଲକିପର ଭାବେ ଏକ ଗୋଲ୍ରେ ସହାୟତା କରିଥିଲେ। ସୂଚନାଯୋଗ୍ୟ, ଜଣେ ଗୋଲକିପର ହିସାବରେ ଅମରିନ୍ଦର ମୁମ୍ବାଇ ସିଟି ସହ ସିଜନ ପଦାର୍ପଣ କରି ‘ଗୋଲ୍ଡେନ ଗ୍ଲୋଭ୍’ ଜିତିଥିଲେ। ୨୩ଟି ମ୍ୟାଚରେ ତାଙ୍କ କ୍ଲିନ୍ ଶିଟ୍ ସଂଖ୍ୟା ୧୦ ରହିଥିଲା। ଫଳରେ ଲିଗ୍ରେ ତାଙ୍କ ମୋଟ୍ କ୍ଲିନ ଶିଟ୍ ସଂଖ୍ୟା ୩୭ରେ ପହଞ୍ଚତ୍ଛି।
