ଜମ୍ମୁ,୨ ।୭: ବନାରସ କାଶି ଭଗବାନ ଶିବଙ୍କ ନଗରୀ ତ କଶ୍ମିର ଘାଟି ଭୋଳା ବାବାଙ୍କ ଘର ହିମାଳୟ । କଶ୍ମୀର ଘାଟିର ପ୍ରବେଶ ଦ୍ୱାର କାଜିଗୁଡରେ ଏମିତି ଏକ ବ୍ୟାନର ଏହି ବାର୍ତ୍ତା ଦେଉଥିବା ଦେଖାଯାଇଛି । ଭଗବାନ ଶିବଙ୍କୁ କଶ୍ମିରର ଅଭିନ୍ନ ଅଂଶ ମାନୁଥିବା କଶ୍ମିର ମୁସଲମାନ ଯୁବକମାନେ ଅମରନାଥ ଯାତ୍ରୀଙ୍କୁ ଭିନ୍ନ ଢଙ୍ଗରେ ସ୍ୱାଗତ କରିବେ । ଏହି ଯୁକମାନେ ଫୁଲମାଳ, ଜାତୀୟ ପତାକା, ଶିବ ପାର୍ବତିଙ୍କ ଫଟୋ ଓ ଗୀତାର ବ୍ୟବହାର କରି ଯାତ୍ରୀଙ୍କୁ ସ୍ୱାଗତ କରିବେ ।
ଚଳିତ ବର୍ଷ ଅମରନାଥ ଯାତ୍ରୀଙ୍କ ଉପରେ କଶ୍ମିର ଘାଟିର ପ୍ରବେଶ ଦ୍ୱାରରେ ପୁଷ୍ପ ବୃଷ୍ଟି କରି ସ୍ୱାଗତ କରାଯିବ । ଏହି ସ୍ୱାଗତ କାର୍ଯ୍ୟକ୍ରମର ନେତୃତ୍ୱ ନେଇଥିବା ଜାଭେଦ ବେଗ କହିଛନ୍ତି, ଶ୍ରୀ ଅମରନାଥ ଯାତ୍ରା ଭାରତର ସେହି ବିଚାରକୁ ମଜଭୁତ କରିବାର ଏକ ଅବସର ଦେବ ଯେଉଁଠି ସବୁ ଧର୍ମକୁ ସମାନ ଦୃଷ୍ଟିରେ ଦେଖାଯାଇଥାଏ । ସେ କହିଛନ୍ତି କୌଣସି କଶ୍ମିରବାସୀ ନିଜକୁ ଶିବଠାରୁ ଅଲଗା ଦେଖିପାରିବେ ନାହିଁ ।