ସାଧାରଣତଃ ଜଣେ ବ୍ୟକ୍ତି ଚିତ୍ର ଆଙ୍କିବା ପାଇଁ ପେନ୍ସିଲ୍, କଲମ, ପେଣ୍ଟ ବ୍ରଶ ବ୍ୟବହାର କରିଥାନ୍ତି। କଳା ସମସ୍ତଙ୍କ ଦ୍ୱାରା ହୁଏ ନାହିଁ। ଯେଉଁମାନଙ୍କ ଦ୍ୱାରା ଏହା ହୋଇଥାଏ ତାହା ସେମାନଙ୍କ ପାଇଁ ଭଗବାନଙ୍କ ଆଶୀର୍ବାଦ ସଦୃଶ ହୋଇଥାଏ। ଏବେ ସୋସିଆଲ ମିଡିଆରେ ଠିକ୍ ସେମିତି ଏକ ଚିତ୍ର ଭାଇରାଲ ହେଉଛି, ଯାହା ଦେଖିଲେ ଆଶ୍ଚର୍ଯ୍ୟ ହେବେ। ଜଣେ ଯୁବତୀ ଖୁବ୍ କମ୍ ସମୟ ମଧ୍ୟରେ ଏତେ ସୁନ୍ଦର ଚିତ୍ର ଆଙ୍କିଛନ୍ତି ଆଖିକୁ ବି ବିଶ୍ୱାସ କରିପାରିବେନି।
@ValaAfshar ନାମକ ଏକ ଟୁଇଟର ପେଜ୍ରେ ଏହି ଭିଡିଓରେ ଶେୟାର କରାଯାଇଛି। ଯେଉଁଥିରେ ଜଣେ ଯୁବତୀ ବ୍ଲାକବୋର୍ଡରେ କିଛି ତିଆରି କରୁଥିବା ଦେଖାଯାଉଛି। ବିଦ୍ୟାଳୟରେ ସମସ୍ତେ ବ୍ଲାକବୋର୍ଡରେ ମଜାଳିଆ ଫଟୋ ଆଙ୍କିବାକୁ ଭଲ ପାଆନ୍ତି। ଆପଣ ମଧ୍ୟ ବ୍ଲାକବୋର୍ଡରେ ତିଆରି ମଜାଳିଆ ଜିନିଷ ଦେଖିଥିବେ, କିନ୍ତୁ ଭାଇରାଲ ହୋଇଥିବା ଚିତ୍ର ଟିକେ ନିଆରା। ଭିଡିଓ ଦେଖିଲେ ହିଁ ଜାଣିବେ।
କ୍ୟାପଶନରେ ଲେଖା ଅଛି, ‘ବିଶ୍ୱାସ କରିବା କଷ୍ଟକର ଯେ, କେବଳ ଚକ୍ ସାହାଯ୍ୟରେ ଏପରି ସୁନ୍ଦର ଚିତ୍ର ତିଆରି କରାଯାଇଛି।’ ଭିଡିଓରେ ଜଣେ ଯୁବତୀ ଏକ ଚକ୍ ହାତରେ ଧରି ବ୍ଲାକ୍ବୋର୍ଡରେ ଚିତ୍ର ଆଙ୍କୁଛନ୍ତି। ସେ ଚକ୍କୁ ଏପରି ଢଙ୍ଗରେ ଧରିଥିବାର ଦେଖାଯାଏ ଯେ, ଚିତ୍ରରେ ଛାଇ ଦେଖାଯାଉଛି। ଧିରେ ଧିରେ ସେ ନିଜ ଚିତ୍ର ସମ୍ପୂର୍ଣ୍ଣ କରିବା ଜାରି ରଖିଲେ ବୁଝାପଡୁଛି ଆଉ ଜଣେ ଯୁବତୀ ଯେମିତି ତାଙ୍କ ସାମ୍ନାରେ ଠିଆ ହୋଇଛନ୍ତି ଏବଂ ସେ ହାତରେ ଏକ ଛତା ଧରିଛନ୍ତି। ତାଙ୍କ ଆଗରେ ଆଉ ଜଣେ ପୁରୁଷଙ୍କ ଚିତ୍ର ଦେଖାଯାଉଛି। ତାଙ୍କ ହାତରେ ମଧ୍ୟ ଏକ ଛତା ଅଛି। ପାଖରେ ଛୋଟଛୋଟ ଘାସ ଗଛ ଉଠିଥିବା ବି ଦେଖାଯାଉଛି।
ଏହି ଭିଡିଓଟି ୭ ଲକ୍ଷରୁ ଅଧିକ ଭ୍ୟୁ ପାଇଥିବାବେଳେ ଅନେକ ଲୋକ ନିଜର ପ୍ରତିକ୍ରିୟା ଲେଖିଛନ୍ତି। ଜଣେ ୟୁଜର କହିଛନ୍ତି, ଯୁବତୀ ଜଣକ ଯାଦୁଗରଙ୍କଠାରୁ ବି କମ୍ ନୁହନ୍ତି। ଆଉ ଜଣେ ୟୁଜର କହିଛନ୍ତି, ଏହି ଚିତ୍ରଟି ବହୁତ ସୁନ୍ଦର ଦେଖାଯାଉଛି। ସେହିପରି ଅନ୍ୟ ଜଣେ କହିଛନ୍ତି, ଯୁବତୀଙ୍କ ଛାଇ ଠିକ୍ ବର୍ଷା ପରି ଦିଶୁଛି।