ଚନ୍ଦ୍ର ପୃଷ୍ଟରେ ଜମି କିଣିବାକୁ ସମସ୍ତେ ସ୍ବପ୍ନ ଦେଖିଥାନ୍ତି। ହେଲେ ଏହି ସ୍ବପ୍ନ ସମସ୍ତଙ୍କର ସତ ହୋଇ ନ ଥାଏ। କିନ୍ତୁ ଆଜମେରରେ ରହୁଥିବା ଧର୍ମେନ୍ଦ୍ର ଅନିଜା ନିଜର ୮ତମ ବିବାହ ବାର୍ଷିକୀକୁ ସ୍ବତନ୍ତ୍ର କରିବାକୁ ଚାହୁଁଥିଲେ। ତେଣୁ ସେ ଏହି ଅବସରରେ ଚନ୍ଦ୍ରପୃଷ୍ଟରେ ୩ ଏକର ଜମି କିଣି ସ୍ତ୍ରୀଙ୍କୁ ଉପହାର ରୂପେ ଦେଇଛନ୍ତି।
ଏ ନେଇ ଧର୍ମେନ୍ଦ୍ର କୁହନ୍ତି, ଗତ ଡିସେମ୍ବର ୨୪ରେ ଆମର ବିବାହ ବାର୍ଷିକୀ ଥିଲା। ମୁଁ ମୋ ସ୍ତ୍ରୀଙ୍କ ପାଇଁ କିଛି ସ୍ବତନ୍ତ୍ର କରିବାକୁ ଚାହୁଁଥିଲି। ଅନେକ ଲୋକ ସ୍ତ୍ରୀଙ୍କୁ ଅଳଙ୍କାର ବା କାର କିଣି ଉପହାର ରୂପେ ଦେଇଥାନ୍ତି। କିନ୍ତୁ ମୁଁ କିଛି ସ୍ବତନ୍ତ୍ର କରିବାକୁ ଚାହୁଁଥିଲି। ତେଣୁ ମୁଁ ଚନ୍ଦ୍ରରେ ଜାଗା କିଣିଲି ବୋଲି ଧର୍ମେନ୍ଦ୍ର କହିଛନ୍ତି।
ଧର୍ମେନ୍ଦ୍ର ଆମେରିକାର ନ୍ୟୁୟର୍କ ସିଟିରେ ଅବସ୍ଥିତ ଲୁନା ସୋସାଇଟି ଇଣ୍ଟରନ୍ୟାସନାଲରୁ ଚନ୍ଦ୍ରରେ ଜମି କିଣିଥିଲେ। ଜମି କିଣିବାର ସମ୍ପୂର୍ଣ୍ଣ ପ୍ରକ୍ରିୟା ପାଇଁ
ତାଙ୍କୁ ଏକ ବର୍ଷ ଲାଗିଥିଲା। ଏବେ ମୁଁ ବହୁତ ଖୁସି । ରାଜସ୍ଥାନର ମୁ ପ୍ରଥମ ବ୍ୟକ୍ତି, ଯିଏ ଚନ୍ଦ୍ରରେ ଜମି କିଣିଛି ବୋଲି ଧର୍ମେନ୍ଦ୍ର କହିଛନ୍ତି।