ମୁମ୍ବାଇ: ବଲିଉଡ ଅଭିନେତା ବିଦ୍ୟୁତ ଜାମଓ୍ବାଲାଙ୍କ ଆଗାମୀ ମୁଭି ‘ଆଇବି ୭୧’ର ପ୍ରମୋ ରିଲଜ ହୋଇ ସାରିଛି। ସଂକଳ୍ପ ରେଡ୍ଡିଙ୍କ ଦ୍ୱାରା ନିର୍ଦ୍ଦେଶିତ ଏହି ମୁଭି ଭାରତୀୟ ଗୁଇନ୍ଦା ସଂସ୍ଥା ଓ ପାକିସ୍ତାନର ମଧ୍ୟ ଯୁଦ୍ଧ ଭିତରର କାହାଣୀ। ‘ଆଇବି ୭୧’ର ନୂଆ ପ୍ରମୋ ବି ବିଦ୍ୟୁତଙ୍କ ପ୍ରଶଂସକଙ୍କ ପାଇଁ ଜାରି କରାଯାଇଛି। ଏହି ମୁଭିରେ ବିଦ୍ୟୁତ ଜାମଓ୍ବାଲା ଜଣେ ଅଣ୍ଡର କଭର ଏଜେଣ୍ଟ ଭୂମିକାରେ ନଜର ଆସିବେ। ଭିଡିଓରେ ବିଦ୍ୟୁତଙ୍କୁ ଇଣ୍ଟଲିଜେନ୍ସ ବ୍ୟୁରୋର ଏକ ମାଷ୍ଟର ଜାସୁସ ଭାବେ ଦେଖାଯାଇଛି, ଯିଏ ସବୁବେଳେ ଶତ୍ରୁଙ୍କଠାରୁ ୧୦ କଦମ ଆଗକୁ ରହୁଛନ୍ତି।
ବିଦ୍ୟୁତ କହିଛନ୍ତି, ଏହି ସ୍ପେଶାଲ ପ୍ରମୋ ସହ ଆମେ ଏହା ଦେଖାଇବାକୁ ଚାହିଁଛୁ କି ଇଣ୍ଟଲିଜେନ୍ସ ବ୍ୟୁରୋ ସବୁବେଳେ ସତର୍କ ହିଁ ରହିଥାଏ। ଯାହାବି ହେଇଯାଉ। ଜଣେ ଜାସୁସ ପାଇଁ ଏହା କେବଳ ଶାରୀରିକ ଶକ୍ତି ନୁହେଁ ବରଂ ତେଜ ଦିମାଗ ଓ ଶତ୍ରୁଙ୍କ ସମସ୍ତ ଚାଲର ଅନୁମାନ ଲଗାଇବାର କ୍ଷମତା ରଖିବା। ‘ଆଇବି ୭୧’ ଏମିତି ଏକ ମୁଭି ଯାହା ଦର୍ଶକଙ୍କୁ ଭାରତରେ ଇଣ୍ଟଲିଜେନ୍ସ ବ୍ୟୁରୋର ରୋମାଞ୍ଚକାରୀ ଦୁନିଆର ଏକ ଝଲକ ଦେଖାଇବାକୁ ଯାଉଛି।
ମିଡିଆ ରିପୋର୍ଟ ଅନୁଯାୟୀ, ବିଦ୍ୟୁତ ଜାମଓ୍ବାଲା ମୁଭି ‘ଆଇ ବି ୭୧’ କୁ ନିଜ ପ୍ରଡକସନ ହାଉସ ଆକ୍ସନ ହିରୋ ବ୍ୟାନରରେ କୋ-ପ୍ରଡ୍ୟୁସ ବି କରିଛନ୍ତି। ଏହା ବ୍ୟତୀତ ଟି-ସିରିଜ, ରଲାଏନ୍ସ ଏଣ୍ଟରଟେନମେଣ୍ଟ ଓ ଆବ୍ବାସ ସୈୟଦ ମୁଭିକୁ ପ୍ରଡ୍ୟୁସ କରୁଛନ୍ତି। ଏହି ମୁଭିର କାହାଣୀ ଆଦିତ୍ୟ ଶାସ୍ତ୍ରୀ ଲେଖିଛନ୍ତି। ମୁଭି ୧୨ ମେ, ୨୦୨୩ରେ ରିଲିଜ ହେବାକୁ ଯାଉଛି।
