ନୂଆଦିଲ୍ଲୀ, ୫।୬: ସାରା ବିଶ୍ୱ ପାଇଁ ଆମାଜନ୍ର ଉପଭୋକ୍ତା ବ୍ୟବସାୟ କ୍ଷେତ୍ରର ମୁଖ୍ୟ ପରିଚାଳନା ଅଧିକାରୀ (ସିଓଓ) ଡେଭିଡ୍ କ୍ଲାର୍କ ନିଜ ପଦବୀରୁ ଇସ୍ତଫା ଦେଇଛନ୍ତି। ଦୀର୍ଘ ୨୩ ବର୍ଷ ଧରି କମ୍ପାନୀରେ କାର୍ଯ୍ୟ କରୁଥିବା କ୍ଲାର୍କଙ୍କ ଇସ୍ତଫା ସମ୍ପର୍କରେ ଶନିବାର ଆମାଜନ୍ ପକ୍ଷରୁ ସୂଚନା ଦିଆଯାଇଛି। କ୍ଲାର୍କ ନିଜ କାର୍ଯ୍ୟକାଳ ମଧ୍ୟରେ କମ୍ପାନୀର ବିସ୍ତୃତ ଏବଂ ତ୍ୱରିତ ଯୋଗାଣ ଶୃଙ୍ଖଳାକୁ ବିକଶିତ କରିଥିବା କମ୍ପାନୀ ପକ୍ଷରୁ କୁହାଯାଇଛି। ତେବେ ଡେଭିଡ୍ଙ୍କ ସମେତ କମ୍ପାନୀର ଅନ୍ୟ କେତେଜଣ କର୍ମଚାରୀ ମଧ୍ୟ ଏକା ସମୟରେ ଅବସର ଗ୍ରହଣ କରିଥିବା ଆମାଜନ୍ର ସିଇଓ ଏଣ୍ଡି ଜେସି ସୂଚନା ଦେଇଛନ୍ତି। ଡେଭିଡ୍ଙ୍କର କାର୍ଯ୍ୟକାଳର ଶେଷ ଦିନ ଜୁଲାଇ ୧ ରହିବ।
