ପାଟଣା ,୧୮।୧(ବୀର କିଶୋର ଦାଶ)ଦେଢବର୍ଷର ଶିଶୁପୁତ୍ରର ମାନସିକ ସାରି ଫେରୁଥିଲେ। ଫେରିବାବେଳେ ଦୁର୍ଘଟଣାରେ ଚାଲିଗଲା ପୁଅର ଜୀବନ। ଏପରି ଅଭାବନୀୟ ଘଟଣା ଦେଖିବାକୁ ମିଳିଛି କେନ୍ଦୁଝର ଜିଲା ତୁରୁମୁଙ୍ଗା ଥାନା ପୁରୁଣିଆ ରାସ୍ତାରେ।
ପୁଅର ମାନସିକ ପୂରଣ ସାରି ଘଟଗାଁ ମା ତାରିଣୀ ପୀଠରୁ ତାରିଣୀ ଦର୍ଶନ ସାରି ଏକ ଘରୋଇ ଆମ୍ବୁଲାନ୍ସରେ ବୁଧବାର ବିଳମ୍ବିତ ରାତ୍ରି ଘରକୁ ଫେରୁଥିବା ସମୟରେ ରାସ୍ତା କଡ଼ରେ ଥିବା ଗଛକୁ ଆମ୍ବୁଲାନ୍ସ ଧକ୍କା ଦେଇଥିଲା। ତେବେ ଘଟଣାସ୍ଥଳରେ ଦେଢ଼ ବର୍ଷର ଶିଶୁ ପୁତ୍ରର ମୃତ୍ୟୁ ହେବା ସହ ୪ ଜଣ ଗୁରୁତର ହୋଇଥିଲେ। ଗୁରୁତର ଆହତଙ୍କୁ କେନ୍ଦୁଝର ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି।
ସୂଚନାଥାଉ କି, ଦୁର୍ଘଟଣା ଗ୍ରସ୍ତ ହୋଇଥିବା ପରିବାର ସଦସ୍ୟମାନେ ହେଲେ ପାଟଣା ବ୍ଲକର ପୂର୍ବତନ ବ୍ଲକ ଉପାଧକ୍ଷା ତଥା କଣ୍ଟିଆପଡା ପଞ୍ଚାୟତର ପୂର୍ବତନ ସରପଞ୍ଚ କନକ ଲତା ମହାନ୍ତଙ୍କ ପରିବାରର ସଦସ୍ୟ । ସେମାନେ ସମସ୍ତେ ଘଟଗାଁରୁ ନିଜ ଗାଁ ପାଟ ଧନୁର୍ଜୟପୁର ଫେରୁଥିବାବେଳେ ଏହି ଦୁର୍ଘଟଣା ଘଟିଛି। ଘଟଣାସ୍ଥଳରେ ତୁରୁମୁଙ୍ଗା ପୋଲିସ ପହଁଚି ତଦନ୍ତ ଆରମ୍ଭ କରିଛି l