ପାକିସ୍ତାନ ଉପରେ ବଡ଼ ଆକ୍ସନ ନେଲା ଆମେରିକା, ଏହି ପ୍ରୋଜେକ୍ଟ ଉପରେ ଲଗାଇଲା ପ୍ରତିବନ୍ଧକ
04 ଓ୍ବାଶିଂଟନ,୧୩।୯: ଆମେରିକା ବୈଦେଶିକ ବିଭାଗ ଗୁରୁବାର ପାକିସ୍ତାନ ବିରୋଧରେ ଏକ ବଡ଼ ନିଷ୍ପତ୍ତି ନେଇଛି। ଆମେରିକାର ସ୍ବରାଷ୍ଟ୍ର ବିଭାଗର ମୁଖପାତ୍ର ମାଥ୍ୟୁ ମିଲର କହିଛନ୍ତି ଯେ, ପାକିସ୍ତାନ ବିରୋଧରେ ସେମାନଙ୍କ କଠୋର ମନୋଭାବ ଅକ୍ଷୁର୍ଣ୍ଣ ରହିଛି। ପାକିସ୍ତାନର ବାଲିଷ୍ଟିକ କ୍ଷେପଣାସ୍ତ୍ର ପ୍ରକଳ୍ପରେ ମିଳିବାକୁ ଥିବା ଚାଇନା ସହାୟତା ଉପରେ ଆମେରିକା ପ୍ରତିବନ୍ଧକ ଲଗାଇଛି। ନିଷିଦ୍ଧ ହୋଇଥିବା ଚାଇନା ସଂସ୍ଥାଗୁଡ଼ିକ ପାକିସ୍ତାନର ବାଲିଷ୍ଟିକ କ୍ଷେପଣାସ୍ତ୍ର କାର୍ଯ୍ୟକ୍ରମ ଯୋଗାଣରେ ଜଡିତ ଥିବା କୁହାଯାଉଛି। ବର୍ତ୍ତମାନ ଆମେରିକାର ଏହି ନିଷ୍ପତ୍ତି ଉପରେ ପାକିସ୍ତାନ ପକ୍ଷରୁ କୌଣସି ପ୍ରତିକ୍ରିୟା ମିଳିନାହିଁ।
ପାକିସ୍ତାନର ବାଲିଷ୍ଟିକ କ୍ଷେପଣାସ୍ତ୍ର ପ୍ରକଳ୍ପ ଏବଂ ପ୍ରଯୁକ୍ତିବିଦ୍ୟା ବିସ୍ତାରରେ ଜଡିତ ପାଞ୍ଚ ଚାଇନିଜ କମ୍ପାନୀ ଏବଂ ଜଣେ ବ୍ୟକ୍ତିଙ୍କ ବିରୋଧରେ ଆମେରିକା ବୈଦଶିକ ବିଭାଗ କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଆମେରିକାର ବୈଦେଶିକ ବିଭାଗର ନିର୍ଦ୍ଦେଶ ୧୩୩୮୨ ଅନୁଯାୟୀ, ବେଜିଂ ରିସର୍ଚ୍ଚ ଇନଷ୍ଟିଚ୍ୟୁଟ ଅଫ ଅଟୋମେଶନ ଫର୍ ମେସିନ ବିଲଡିଂ ଇଣ୍ଡଷ୍ଟ୍ରି (RIAMB)କୁ ବିଶେଷ ଭାବରେ ନିଯୁକ୍ତ କରାଯାଇଛି। ଏହି କମ୍ପାନୀ ବହୁ ଧ୍ୱଂସକାରୀ ଅସ୍ତ୍ରଶସ୍ତ୍ର ଏବଂ ସେମାନଙ୍କର ବିତରଣର ମାଧ୍ୟମ ଉପରେ କାର୍ଯ୍ୟ କରେ।