ବେଂଡ(ଆମେରିକା),୨୧।୭: ଓରେଗନର କ୍ୟାସକେଡ ପର୍ବତରେ ନର୍ଥ ସିଷ୍ଟରର ଶିଖର ନିକଟରେ ଶହ ଶହ ଫୁଟ ତଳକୁ ଖସିପଡିବାରୁ ୨୧ ବର୍ଷୀୟ ଜଣେ ଛାତ୍ରଙ୍କର ମୃତ୍ୟୁ ହୋଇଛି। ଛାତ୍ରଙ୍କ ମୃତଦେହ ଗୁରୁବାର ମିଳିଛି। ହେଲେ ଏହା ଯେଉଁଠାରେ ପଡିଛି ସେପର୍ଯ୍ୟନ୍ତ ପହଞ୍ଚିବା ମୁସ୍କିଲ ହେଉଛି। ଛାତ୍ରଙ୍କ ମୃତ୍ୟୁ ଖବର ପାଇବା ପରେ ପରିବାର ଲୋକେ ଭାଙ୍ଗି ପଡିଛନ୍ତି।
ସୂଚନାଯୋଗ୍ୟ, ଛାତ୍ରଙ୍କ ନାମ ଜୁଏଲ ଟ୍ରାନବି ବୋଲି କେଟିଭିଜେଡ-ଟିଭି ବୁଧବାର ରିପୋର୍ଟ କରିଛି। ସେ ବାହାରେ ଭ୍ରମଣ କରିବାକୁ ଭଲ ପାଉଥିଲେ। ସେ ଡିସେମ୍ବରରେ କଲେଜରୁ ସ୍ନାତକ ହାସଲ କରିବାକୁ ଯୋଜନା କରିଥିଲେ।
ଲେନ କାଉଣ୍ଟି ସରିଫ କାର୍ଯ୍ୟାଳୟର ସର୍ଜେଣ୍ଟ ଟମ ସ୍ପେଲଡ୍ରିଚଙ୍କ ଅନୁଯାୟୀ ସର୍ଚ୍ଚ ଏବଂ ଉଦ୍ଧାରକାରୀ କର୍ମଚାରୀମାନେ ଟ୍ରାନବିଙ୍କ ମୃତଦେହ ଖୋଜିବା ପାଇଁ ଡ୍ରୋନ ଭିଡିଓରୁ ସୂଚନା ବ୍ୟବହାର କରିଥିଲେ ଏବଂ ଗୁରୁବାର ସକାଳେ ହେଲିକପ୍ଟରରୁ ଏହାକୁ ଦେଖିପାରିଥିଲେ।
ନର୍ଥ ସିଷ୍ଟରର ଉଚ୍ଚତା ୩,୦୭୪ ମିଟର ବୋଲି ଓରେଗୋନିଆନ/ଓରେଗନ ଲାଇଭ ରିପୋର୍ଟ କରିଛି। ଏହା ଏକ କଷ୍ଟସାଧ୍ୟ ଆରୋହଣ ବୋଲି ଜଣାଶୁଣା, କାରଣ ପାହାଡ଼ଟି ଖାଲି ଆଗ୍ନେୟଗିରି ପଥରରେ ରହିଥାଏ ଏବଂ ସୁରକ୍ଷା ପାଇଁ ଦଉଡ଼ି ବାନ୍ଧିବାର ସ୍ଥାନ ନଥାଏ।
ସୋମବାର ତାଙ୍କ ଗର୍ଲଫ୍ରେଣ୍ଡଙ୍କ ସହ ଚଢିବାବେଳେ ଟ୍ରାନବି ପ୍ରାୟ ୯୦-୧୫୦ମିଟର ଖସିପଡି ଗୁରୁତର ଆହତ ହୋଇଥିଲେ। ସ୍ପାଲଡ୍ରିଚ କହିଛନ୍ତି ଯେ ତାଙ୍କ ଗର୍ଲଫ୍ରେଣ୍ଡ ସାହାଯ୍ୟ ମାଗିଥାନ୍ତେ, କିନ୍ତୁ ଟ୍ରାନବି କେଉଁଠାରେ ପଡିଛି ସେ ଜାଣି ନ ଥିଲେ। ଦୁର୍ଭାଗ୍ୟବଶତଃ ଅନୁସନ୍ଧାନକାରୀମାନେ ପହଞ୍ଚିବା ପୂର୍ବରୁ ତାଙ୍କର ମୃତ୍ୟୁ ଘଟିଥିଲା।