ନ୍ୟୁ ମେକ୍ସିକୋ,୧୬।୫: ଆମେରିକାରେ ପୁଣିଥରେ ଫୁଟିଛି ଗୁଳି। ନ୍ୟୁ ମେକ୍ସିକୋର ଫାର୍ମିଗଟନରେ ହୋଇଥିବା ଗୁଳିକାଣ୍ଡରେ ଅତିକମରେ ୩ ଜଣଙ୍କ ମୃତ୍ୟୁ ହୋଇଛି। ଏହାସହ କେତେଜଣ ଆହତ ବି ହୋଇଛନ୍ତି। ସମାଚାର ଏଜେନ୍ସି ଏପି ପୋଲିସ ସୂତ୍ରରୁ ମିଳିଥିବା ସୂଚନା ଆଧାରରେ କହିଛି କି ଏହି ଗୁଳିକାଣ୍ଡରେ ସନ୍ଦିଗ୍ଧଙ୍କର ଘଟଣାସ୍ଥଳରେ ହିଁ ମୃତ୍ୟୁ ହୋଇଛି।
ମୃତକ କିମ୍ବା ଆହତଙ୍କ ନାମ ପୋଲିସ ପ୍ରକାଶ କରି ନାହିଁ କିମ୍ବା ଗୁଳି ବିନିମୟର କାରଣ ସ୍ପଷ୍ଟକରି ନାହିଁ। ପୋଲିସ କହିଛି ଯେ ସନ୍ଦିଗ୍ଧଙ୍କ ପରିଚୟ ଜଣା ପଡି ନାହିଁ ଏବଂ ବର୍ତ୍ତମାନ ସୁଦ୍ଧା ଅନ୍ୟ କୌଣସି ବିପଦ ନାହିଁ। ଏଥି ସହ ଗୁଳି ବିନିମୟ ପରେ ସହରର ସ୍କୁଲ ବାହାରେ ସୁରକ୍ଷା କଡାକଡି କରାଯାଇଛି।