ଆମେରିକାରେ ଘୂର୍ଣ୍ଣିଝଡ଼ ଲି କୁ ନେଇ ହାଇ ଆଲର୍ଟ, ୧୮୫ କିଲୋମିଟର ପ୍ରତି ଘଣ୍ଟାରେ ବହୁଛି ପବନ

ଓ୍ବାଶିଂଟନ,୧୦।୯: ଆମେରିକାରେ ଘୂର୍ଣ୍ଣିଝଡ଼ ଲି କୁ ନେଇ ହାଇ ଆଲର୍ଟ ଜାରି କରାଯାଇଛି। ଆମେରିକାର ନ୍ୟାସନାଲ ହରିକେନ ସେଣ୍ଟର ରିପୋର୍ଟ କରିଛି ଯେ ହ୍ୟୁରେନ ଲି ପ୍ୟୁର୍ଟ୍ରୋ ରିକୋର ଉତ୍ତର ଦିଗକୁ ଗତି କରୁଛି। ସେ କହିଛନ୍ତି ଯେ ଏହି ଝଡ଼ ଯୋଗୁଁ ପରିସ୍ଥିତି ଚିନ୍ତାଜନକ ଏବଂ ଆମେରିକାର ପୂର୍ବ ତଟରେ ଏକ ବିପଦପୂର୍ଣ୍ଣ ପରିସ୍ଥିତି ସୃଷ୍ଟି କରିପାରେ।

ପୂର୍ବାନୁମାନକାରୀମାନେ କହିଛନ୍ତି ଯେ ଉତ୍ତର ଲିୱାର୍ଡ ଦ୍ୱୀପପୁଞ୍ଜର ପ୍ରାୟ ୫୦୫ କିଲୋମିଟର ଉତ୍ତର-ଉତ୍ତର ପୂର୍ବରେ ଝଡ଼ ଲିର କାର୍ଯ୍ୟକଳାପ ପରିଲକ୍ଷିତ ହୋଇଛି। ଘଣ୍ଟା ପ୍ରତି ପ୍ରାୟ ୧୮୫ କିଲୋମିଟର ବେଗରେ ପ୍ରବଳ ପବନ ପ୍ରବାହିତ ହେଉଛି। ଆମେରିକାର ଜାତୀୟ ଘୂର୍ଣ୍ଣିଝଡ଼ କେନ୍ଦ୍ର କହିଛି ଯେ ଏହି ଝଡ଼ ଘଣ୍ଟା ପ୍ରତି ୧୭ କିଲୋମିଟର ବେଗରେ ଉତ୍ତର-ପଶ୍ଚିମ ଆଡକୁ ଗତି କରୁଛି।
ଆମେରିକାର ନ୍ୟାସନାଲ ହରିକେନ ସେଣ୍ଟର ଅନୁଯାୟୀ ଆସନ୍ତା ଦୁଇ ଦିନ ମଧ୍ୟରେ ଏହି ଝଡ଼ ଆହୁରି ତୀବ୍ର ହେବ ଏବଂ ଏହାର ପ୍ରଭାବ ଆମେରିକୀୟ ଅଞ୍ଚଳରେ ଦେଖାଯିବ। ଭବିଷ୍ୟବାଣୀକାରୀମାନେ ଦାବି କରିଛନ୍ତି ଯେ ଆସନ୍ତା ସପ୍ତାହ ଶେଷ ସୁଦ୍ଧା ଆମେରିକାର ପୂର୍ବ ତଟ ଏବଂ ଆଟଲାଣ୍ଟିକ କାନାଡାରେ ଏହି ଝଡ଼ର ପ୍ରଭାବ ଦୃଶ୍ୟମାନ ହେବ।