ଇସ୍ରାଏଲକୁ ସବୁପ୍ରକାର ସାହାଯ୍ୟ କରିବାକୁ ଆମେରିକା ପ୍ରତିବଦ୍ଧ: ଆମେରିକା ଉପ ରାଷ୍ଟ୍ରପତି କମଲା ହ୍ୟାରିସ

ଓ୍ବାଶିଂଟନ୍‌,୧୨।୧୦: ଇସ୍ରାଏଲ ଓ ଚରମପନ୍ଥୀ ହମାସ ମଧ୍ୟରେ ଚାଲିଥିବା ଯୁଦ୍ଧରେ ଆମେରିକା ଖୋଲାଖୋଲି ଭାବେ ଇସ୍ରାଏଲକୁ ସମର୍ଥନ କରୁଛି। ଏହି ସମର୍ଥନକୁ ମଜବୁତ କରିବା ପାଇଁ ଆମେରିକା ଇସ୍ରାଏଲକୁ ସାମରିକ ସହାୟତା ଦେଇଛି। ରାଷ୍ଟ୍ରପତି ଜୋ ବାଇଡେନ କହିଛନ୍ତି, ଏହି ଯୁଦ୍ଧରେ ଆମେରିକା ଇସ୍ରାଏଲ ସହ ଛିଡା ହୋଇଛି। ବାଇଡେନ ମଧ୍ୟ ପ୍ରଧାନମନ୍ତ୍ରୀ ନେତାନ୍ୟାହୁଙ୍କ ସହ ଫୋନରେ କଥା ହୋଇଛନ୍ତି। ଇସ୍ରାଏଲକୁ ଦୃଢ ସମର୍ଥନ କରିଥିବାରୁ ନେତାନ୍ୟାହୁ ବାଇଡେନଙ୍କୁ ଧନ୍ୟବାଦ ଦେଇଛନ୍ତି। ନିରନ୍ତର ସମର୍ଥନ ପାଇଁ ନେତାନ୍ୟାହୁ ମଧ୍ୟ କୃତଜ୍ଞତା ଜଣାଇଛନ୍ତି।

ଆମେରିକାର ଉପରାଷ୍ଟ୍ରପତି କମଲା ହାରିସ ମଧ୍ୟ ଇସ୍ରାଏଲ-ପାଲେଷ୍ଟାଇନ ବିବାଦକୁ ନେଇ ଏକ ବିବୃତ୍ତିରେ କହିଛନ୍ତି, ଯାହା ଘଟିଛି ମୁଁ ସମ୍ପୂର୍ଣ୍ଣ ଭାବେ ନିରାଶ ହୋଇଛି। ଆମେ ଆତଙ୍କବାଦର ଚରମ କାର୍ଯ୍ୟର ସାକ୍ଷୀ ଅଟୁ ଯାହାକୁ ଆମେ ଦୃଢ

ଭାବରେ ନିନ୍ଦା କରିବା ଉଚିତ। ଆତଙ୍କବାଦକୁ ଆମେ ସର୍ବଦା ବିରୋଧ କରିଛୁ।

ସେ ଆହୁରି କହିଛନ୍ତି, ରାଷ୍ଟ୍ରପତି ବାଇଡେନ ଏବଂ ମୁଁ ଇସ୍ରାଏଲକୁ ସମର୍ଥନ କରୁଛୁ ଏବଂ ଇସ୍ରାଏଲ ନିଜକୁ ରକ୍ଷା କରିବା ପାଇଁ ଆବଶ୍ୟକ କରୁଥିବା ସମସ୍ତ ସାହାଯ୍ୟ ଯୋଗାଇଦେବା ପାଇଁ ଆମର ପ୍ରତିବଦ୍ଧତାକୁ ଅତି ଗମ୍ଭୀରତାର ସହିତ ଗ୍ରହଣ କରିଛୁ। ଆମର ସର୍ବୋଚ୍ଚ ପ୍ରାଥମିକତା ହେଉଛି ଆମେରିକୀୟ ନାଗରିକଙ୍କ ସୁରକ୍ଷା ଏବଂ କଲ୍ୟାଣ। ଏହା ମଧ୍ୟ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଯେ ଆମର ସହଯୋଗୀ, ଇସ୍ରାଏଲ ଓ କଂଗ୍ରେସ ସଦସ୍ୟଙ୍କ ସହ ନିରନ୍ତର ଯୋଗାଯୋଗରେ ରହିଛୁ।