ସେନା ଶକ୍ତିରେ ଆମେରିକା ନମ୍ବର ଓ୍ବାନ, ଜାଣନ୍ତୁ ଭାରତ ରହିଛି କେତେ ନମ୍ବରରେ

ନୂଆଦିଲ୍ଲୀ,୧୭।୧: ସାମରିକ ଶକ୍ତି ଭାବେ ଭାରତ ହେଉଛି ବିଶ୍ୱର ଚତୁର୍ଥ ଶକ୍ତିଶାଳୀ ଦେଶ। ଗ୍ଲୋବାଲ ଫାୟାର୍‌ ପାୱାର୍‌ ର଼୍ୟାଙ୍କିଙ୍ଗ ପ୍ରକାଶ ପାଇଛି। ଏହି ର଼୍ୟାଙ୍କିଙ୍ଗରେ ଆମେରିକା ସାମରିକ ଶକ୍ତି ଭାବେ ବିଶ୍ୱର ସବୁଠାରୁ ଶକ୍ତିଶାଳୀ ଦେଶ ଭାବେ ପରିଗଣିତ ହୋଇଛି। ରୁଷିଆ ଏବଂ ଚାଇନା ଯଥାକ୍ରମେ ଦ୍ୱିତୀୟ ଏବଂ ତୃତୀୟ ସ୍ଥାନରେ ଅଛନ୍ତି। ଗ୍ଲୋବାଲ ଫାୟାର ପାୱାର ର଼୍ୟାଙ୍କିଙ୍ଗ ଅନୁଯାୟୀ ଭାରତକୁ ୦.୧୦୨୩ ସ୍କୋର କରାଯାଇଛି। ଯେତେବେଳେ ଆମେରିକାରେ ୦.୦୬୯୯ ସ୍କୋର ହୋଇଛି, ରୁଷିଆର ୦.୦୭୦୨ ସ୍କୋର ଏବଂ ଚାଇନା୦.୦୭୦୬ ସ୍କୋର ପାଇଛି। ଏହି ର଼୍ୟାଙ୍କିଙ୍ଗ ଅନୁଯାୟୀ, ୦.୦୦୦୦ ସ୍କୋର ପରଫେକ୍ଟ ବୋଲି ବିବେଚନା କରାଯାଏ।
ସମୁଦାୟ ୧୪୫ ଦେଶ ସେମାନଙ୍କର ସାମରିକ ଶକ୍ତି ଆଧାରରେ ଗ୍ଲୋବାଲ ଫାୟାର ପାୱାର ୨୦୨୪ ର ଏହି ତାଲିକାରେ ଅନ୍ତର୍ଭୁକ୍ତ ହୋଇଛନ୍ତି। ଏହି ତାଲିକାରେ ଭାରତର ପଡୋଶୀ ଦେଶ ପାକିସ୍ତାନ ନବମ ସ୍ଥାନରେ ରହିଛି। ଯେଉଁଠାରେ ଇଟାଲୀ ଦଶମ ସ୍ଥାନ ହାସଲ କରିଛି। ଦକ୍ଷିଣ କୋରିଆ, ବ୍ରିଟେନ, ଜାପାନ ଏବଂ ତୁର୍କୀ ମଧ୍ୟ ଶ୍ରେଷ୍ଠ ୧୦ଟି ଶକ୍ତିଶାଳୀ ଦେଶରେ ଅନ୍ତର୍ଭୁକ୍ତ। ସୈନ୍ୟ ସଂଖ୍ୟା, ସାମରିକ ଉପକରଣ, ଆର୍ଥିକ ସ୍ଥିରତା, ସାମରିକ ସମ୍ବଳ, ପ୍ରାକୃତିକ ସମ୍ପଦ, ଶିଳ୍ପ ଏବଂ ଭୌଗୋଳିକ ଅବସ୍ଥା ସହିତ ଅନେକ ପାରାମିଟରକୁ ଦୃଷ୍ଟିରେ ରଖି ଗ୍ଲୋବାଲ ଫାୟାର ପାୱାର ଏହି ତାଲିକା ପ୍ରସ୍ତୁତ କରିଛି।
ଗ୍ଲୋବାଲ ଫାୟାର ପାୱାର ଏହାର ୱେବସାଇଟରେ ଲେଖିଛି ଯେ ଆମର ସୂତ୍ର ଛୋଟ, ବୈଷୟିକ ଦୃଷ୍ଟିରୁ ଉନ୍ନତ ଦେଶଗୁଡ଼ିକୁ ବୃହତ ଏବଂ କମ ବିକଶିତ ଦେଶ ସହିତ ପ୍ରତିଦ୍ୱନ୍ଦ୍ୱିତା କରିବାକୁ ଅନୁମତି ଦେଇଥାଏ। ଏହି ବହୁମୁଖୀ ଆଭିମୁଖ୍ୟ ସାଂଘାତିକତାଠାରୁ ଅଧିକ ସାମରିକ ସାମର୍ଥ୍ୟର ଏକ ସମ୍ପୂର୍ଣ୍ଣ ଚିତ୍ର ଉପସ୍ଥାପନ କରିବାକୁ ଉଦ୍ଦିଷ୍ଟ । ’ଏହି ସୂଚକାଙ୍କରେ ଫ୍ରାନ୍ସ ଏକାଦଶ ସ୍ଥାନରେ ରହିଛି। ଫ୍ରାନ୍ସ, ବ୍ରାଜିଲ, ଇଣ୍ଡୋନେସିଆ, ଇରାନ, ଇଜିପ୍ଟ, ଅଷ୍ଟ୍ରେଲିଆ, ଇସ୍ରାଏଲ, ୟୁକ୍ରେନ, ଜର୍ମାନୀ ଏବଂ ସ୍ପେନ ପରେ ୨୦ ଟି ଶକ୍ତିଶାଳୀ ଦେଶ ମଧ୍ୟରେ ସ୍ଥାନ ପାଇଛନ୍ତି।