ଓ୍ବାଶିଂଟନ୍,୩।୨: ଆମେରିକାର ନୂତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ତାଙ୍କ ଶପଥ ନେବା ପରେ ତୁରନ୍ତ ଅନ୍ୟ ଦେଶଗୁଡ଼ିକ ସହିତ ଏକ ଟାରିଫ୍ ଯୁଦ୍ଧ ଆରମ୍ଭ କରିଦେଇଛନ୍ତି। ଟ୍ରମ୍ପ ଯୁକ୍ତି ଦେଇଛନ୍ତି ଯେ ସେ ଟାରିଫ୍ ଲାଗୁ କରି ଆମେରିକାକୁ ପୁଣି ଶକ୍ତିଶାଳୀ କରିବେ। ତଥାପି ବିଶ୍ୱର ବିଶେଷଜ୍ଞମାନେ ବିଶ୍ୱାସ କରନ୍ତି ଯେ ଏହା କରିବା ଦ୍ୱାରା ଟ୍ରମ୍ପ ଅନ୍ୟ ଦେଶମାନଙ୍କ ସହିତ ଆମେରିକୀୟ ନାଗରିକଙ୍କ ସମସ୍ୟାକୁ ବୃଦ୍ଧି କରିବେ।
ପ୍ରକୃତରେ, ଆମେରିକାର ନୂତନ ଟାରିଫ୍ ଯୁଦ୍ଧ ଯୋଗୁ ସାଧାରଣ ଆମେରିକୀୟ ଗ୍ରାହକମାନଙ୍କୁ ଖୁବ୍ଶୀଘ୍ର ଟମାଟୋ, ଆଭୋକାଡୋ ଏବଂ ଟେକିଲା ଭଳି ସେମାନଙ୍କର ପ୍ରିୟ ଉତ୍ପାଦ ପାଇଁ ବହୁତ ଅଧିକ ମୂଲ୍ୟ ଦେବାକୁ ପଡ଼ିପାରେ। ଏହାର ସବୁଠାରୁ ବଡ଼ କାରଣ ହେଉଛି ଚାଇନା, ମେକ୍ସିକୋ ଏବଂ କାନାଡାରୁ ଆସୁଥିବା ଆମଦାନୀ ସାମଗ୍ରୀ ଉପରେ ଡୋନାଲ୍ଡ ଟ୍ରମ୍ପଙ୍କ ଦ୍ୱାରା ଲଗାଯାଇଥିବା ନୂତନ ଟରିଫ୍। ଏହି ନିଷ୍ପତ୍ତି ଏପରି ଏକ ସମୟରେ ଆସିଛି ଯେତେବେଳେ ଆମେରିକୀୟ ଭୋଟରମାନେ ପୂର୍ବରୁ ମୁଦ୍ରାସ୍ଫୀତି ଦ୍ୱାରା ଚିନ୍ତିତ ଏବଂ ସାମ୍ପ୍ରତିକ ନିର୍ବାଚନରେ ଏହି ପ୍ରସଙ୍ଗରେ ସେମାନଙ୍କର ଅସନ୍ତୋଷ ପ୍ରକାଶ କରିସାରିଛନ୍ତି।
