ଓ୍ବାଶିଂଟନ୍,୨୧।୯: ଆମେରିକାର ରାଷ୍ଟ୍ରପତି ପ୍ରାର୍ଥୀ ଦୌଡରେ ଭାରତୀୟ ବଂଶୋଭବ ବିବେକ ରାମସ୍ବାମୀ ବର୍ତ୍ତମାନ ଦ୍ୱିତୀୟ ସ୍ଥାନରେ ଥିବାବେଳେ ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପ୍ରଥମ ସ୍ଥାନରେ ଅଛନ୍ତି। ସିଏନଏନ ସର୍ଭେ ଅନୁଯାୟୀ, ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ମୁଖ୍ୟ ପ୍ରତିଦ୍ୱନ୍ଦ୍ୱୀ ଫ୍ଲୋରିଡା ଗଭର୍ନର ରୋନ ଡିସାଣ୍ଟିସ ବିବେକ ରାମସ୍ବାମୀଙ୍କ ପଛରେ ଅଛନ୍ତି।
ରିପୋର୍ଟ ଅନୁଯାୟୀ, ଟ୍ରମ୍ପ ଦେଶର ପ୍ରଥମ ଜିଓପି ପ୍ରାଥମିକ ସ୍ତରରେ ୩୯ ପ୍ରତିଶତ ସହିତ ପ୍ରଥମ ପସନ୍ଦ ହୋଇପାରିଛନ୍ତି। ଏହା ଜାତୀୟ ସ୍ତରରେ ତାଙ୍କ ପ୍ରଦର୍ଶନଠାରୁ ଟିକେ ପଛରେ, ଯେଉଁଠାରେ ରିପବ୍ଲିକାନ ପ୍ରାଥମିକ ଭୋଟରେ ନିୟମିତ ଭାବରେ ଟ୍ରମ୍ପଙ୍କୁ ବହୁମତରେ ସମର୍ଥନ ମିଳେ। ସେହିପରି ରାମସ୍ବାମୀ ୧୩ ପ୍ରତିଶତ ସମର୍ଥନ ସହିତ ସେ ଦ୍ୱିତୀୟ ସ୍ଥାନରେ ଥିବା ବେଳେ ୧୨ ପ୍ରତିଶତ ସମର୍ଥନ ସହିତ ନିକ୍କି ହେଲି ଏବଂ ୧୧ ପ୍ରତିଶତ ସମର୍ଥନ ସହିତ ନ୍ୟୁ ଜର୍ସିର ପୂର୍ବତନ ଗଭର୍ନର କ୍ରିସ କ୍ରିଷ୍ଟି ଅଛନ୍ତି। ସର୍ଭେରେ କୁହାଯାଇଛି ଯେ ରୋନ ଡିସାଣ୍ଟିସଙ୍କ ଲୋକପ୍ରିୟତା ହ୍ରାସ ନରମପନ୍ଥୀ ମାନଙ୍କଙ୍କ ମଧ୍ୟରେ ତୀବ୍ର ହ୍ରାସ ହେତୁ ହୋଇଛି। ଯାହା ଜୁଲାଇରେ ୨୬%ରୁ ବର୍ତ୍ତମାନ ୬% କୁ ହ୍ରାସ ପାଇଛି।
