ଓ୍ବାଶିଂଟନ୍, ୪ା୮: ଆମେରିକାର ସଦ୍ୟ ପ୍ରକାଶିତ ବ୍ୟାନ୍ ତାଲିକାରେ ରୁଷିଆ ରାଷ୍ଟ୍ରପତି ଭ୍ଲାଡିମିର ପୁଟିନ୍ଙ୍କ ପ୍ରେମିକା ଆଲିନା ମାରାତୋଭ୍ନା କାବେଇଭା(୩୯)ଙ୍କୁ ରଖାଯାଇଛି। ୟୁକ୍ରେନ୍ ଉପରେ ଆକ୍ରମଣ ପ୍ରତିବାଦରେ ଓ୍ବାଶିଂଟନ୍ ରୁଷିଆର ବହୁ ପ୍ରମୁଖ ବ୍ୟକ୍ତିବିଶେଷଙ୍କ ଆମେରିକା ଗସ୍ତ ଉପରେ କଟକଣା ଲଗାଇଛି। ଆଲିନା କ୍ରେମଲିନ୍ ସମର୍ଥତ୍ତ ନ୍ୟାଶନାଲ ମିଡିଆ ଗ୍ରୁପ୍ର ମୁଖ୍ୟ। ପୂର୍ବରୁ ୟୁରୋପୀୟ ସଂଘ ମଧ୍ୟ ଆଲିନାଙ୍କ ୟୁରୋପ ଗସ୍ତ ଉପରେ କଟକଣା ଲଗାଇଛି। ଆମେରିକା ଗତ ଏପ୍ରିଲରେ ପୁଟିନ୍ଙ୍କ ଝିଅ କ୍ୟାଟେରିନା ଭ୍ଲାଡିମିରୋଭ୍ନା ତିଖୋନୋଭା ଏବଂ ମାରିଆ ଭୋରୋଣ୍ଟସୋଭାଙ୍କ ଉପରେ ବ୍ୟାନ୍ ଲଗାଇଥିଲା।