ମୋଦିଙ୍କ ଗସ୍ତ ପୂର୍ବରୁ ଆମେରିକାର ବଡ ପଦକ୍ଷେପ, ଦୀପାବଳି ଛୁଟି ଘୋଷଣା ପାଇଁ ସଂସଦରେ ବିଧେୟକ ଉପସ୍ଥାପନ

ଓ୍ବାଶିଂଟନ,୨୭।୫: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଗସ୍ତ ପୂର୍ବରୁ ଆମେରିକା ବଡ ପଦକ୍ଷେପ ନେଇଛି। ଆମେରିକାରେ ଦୀପାବଳିରେ ସଂଘିୟ ଅବକାଶ ଘୋଷଣା କରିବାକୁ ୟୁଏସ କଂଗ୍ରେସ(ସଂସଦ)ରେ ବିଧେୟକ ଉପସ୍ଥାପନ କରାଯାଇଛି। ଆମେରିକାର ମହିଳା ସାଂସଦ ଗ୍ରେସ ମେଂଗ ଶୁକ୍ରବାର ପ୍ରତିନିଧି ସଭାରେ ଦୀପାବଳି ଦିବସ ବିଧେୟକ ଉପସ୍ଥାପନ କରିଛନ୍ତି।
ତାଙ୍କର ଏହି ପଦକ୍ଷେପକୁ ଦେଶର ବିଭିନ୍ନ ସମ୍ପ୍ରଦାୟ ସ୍ବାଗତ କରିଛନ୍ତି। ଯଦି ଦୀପାବଳି ଦିବସ ବିଲ କଂଗ୍ରେସ ଦ୍ୱାରା ପାରିତ ହୁଏ, ତେବେ ରାଷ୍ଟ୍ରପତିଙ୍କ ସହମତି ପାଇବା ପରେ ଏହା ଏକ ଆଇନରେ ପରିଣତ ହେବ ଏବଂ ଦୀପାବଳି ଆମେରିକାର ଦ୍ୱାଦଶ ଫେଡେରାଲ ଛୁଟି ହେବ।
ସାଂସଦ ଗ୍ରେସ ମେଙ୍ଗ ଗଣମାଧ୍ୟମକୁ ସୂଚନା ଦେଇ କହିଛନ୍ତି ଯେ ଦୀପାବଳି ହେଉଛି ଯୁକ୍ତରାଷ୍ଟ୍ର ଆମେରିକା (ୟୁଏସଏ) ର ଅସଂଖ୍ୟ ପରିବାର ଏବଂ ସମ୍ପ୍ରଦାୟ ପାଇଁ ବିଶ୍ୱର କୋଟି କୋଟି ଲୋକଙ୍କ ପାଇଁ ବର୍ଷର ଅନ୍ୟତମ ଗୁରୁତ୍ୱପୂର୍ଣ୍ଣ ଦିନ। ସେ କହିଛନ୍ତି ଯେ ଦୀପାବଳିରେ ଫେଡେରାଲ ଛୁଟି ପରିବାର ଏବଂ ସାଙ୍ଗମାନଙ୍କୁ ଏକାଠି ଉତ୍ସବ ପାଳନ କରିବାକୁ ଅନୁମତି ଦେବ। ଏହି ଦିନର ଛୁଟି ପ୍ରମାଣ କରିବ ଯେ ସରକାର ଦେଶର ବିଭିନ୍ନ ସାଂସ୍କୃତିକ ସୁଯୋଗକୁ ଗୁରୁତ୍ୱ ଦେଉଛନ୍ତି।
ସେ କହିଛନ୍ତି ଯେ ନ୍ୟୁୟର୍କର କୁଇନ୍ସରେ ଦୀପାବଳି ଉତ୍ସବ ଅଦ୍ଭୁତ ଏବଂ ଏହା ପ୍ରତିବର୍ଷ ହୋଇଥାଏ। ଯାହା ଦର୍ଶାଇବାକୁ ଯାଉଛି ଯେ ଏହି ଦିନ ଏତେ ଲୋକଙ୍କ ପାଇଁ କେତେ ଗୁରୁତ୍ୱପୂର୍ଣ୍ଣ । ମେଙ୍ଗ କହିଛନ୍ତି ଯେ ଆମେରିକାର ଶକ୍ତି ଏହି ରାଷ୍ଟ୍ର ଗଠନ କରୁଥିବା ବିଭିନ୍ନ ଅନୁଭୂତି, ସଂସ୍କୃତି ଏବଂ ସମ୍ପ୍ରଦାୟରୁ ଆସିଥାଏ।