ଓ୍ବାଶିଂଟନ୍,୧୧।୬: ‘ୟୁନାବାମ୍ବର’ ଭାବରେ ଜଣାଶୁଣା ଆମେରିକାର କୁଖ୍ୟାତ ଅପରାଧୀ ଥିଓଡୋର ଜନ କାଞ୍ଜିରସ୍କିଙ୍କର ଶନିବାର ଜେଲ୍ରେ ମୃତ୍ୟୁ ହୋଇଛି। ୮୧ବର୍ଷିୟ କାଞ୍ଜିରସ୍କି ଆମେରିକାର ଜଣେ ଦୁର୍ଦ୍ଦାନ୍ତ ଅପରାଧୀ ଥିଲେ। ନିଜ ଅପରାଧ କାରନାମାରେ ସମଗ୍ର ଆମେରିକାରେ ଆତଙ୍କ ଖେଳାଇ ଥିଲେ। କାଞ୍ଜିରସ୍କି ୩ଜଣଙ୍କୁ ହତ୍ୟା କରିବା ସହ ୧୯୭୮ରୁ ୧୯୯୫ ମଧ୍ୟରେ ୧୭ଟି ବୋମା ବିସ୍ଫୋରଣ କରିଥିଲେ।
ଏହି କୁଖ୍ୟାତ ଅପରାଧୀ ଜଣେ ସ୍କଲାର ମଧ୍ୟ ଥିଲେ। ଜାଣି ଆଶ୍ଚର୍ଯ୍ୟ ହେବେ ବିଶ୍ୱର ସର୍ବୋଚ୍ଚ ବିଶ୍ୱବିଦ୍ୟାଳୟ ହାର୍ଭାର୍ଡରେ ସେ ଅଧ୍ୟୟନ କରିଛନ୍ତି। ଏହି କୁଖ୍ୟାତ ଅପରାଧୀଜଣକ ଗଣିତରେ ଡକ୍ଟରେଟ ଉପାଧୀ ଲାଭ କରିଛନ୍ତି। ତାଙ୍କୁ ଆମେରୀକୟ ଗଣିତଜ୍ଞଙ୍କ ମଧ୍ୟରେ ଗଣାଯଇଥାଏ।
ଉଚ୍ଚଶିକ୍ଷା ଏବଂ ଏତେ ବଡ ପଦବୀରେ ରହିବା ସତ୍ତ୍ୱେ ସେ ଅପରାଧ ଦୁନିଆରେ ପାଦ ରଖିଥିଲେ। କାଞ୍ଜିରସ୍କି ଏତେ ଚତୁରାତାର ସହ କାମ କରୁଥିଲେ ଯେ ଆମେରିକାର ଅନୁସନ୍ଧାନକାରୀ ସଂସ୍ଥା ଏଫ୍ବିଆଇ ତାଙ୍କୁ ଧରିବା ପାଇଁ ପ୍ରାୟ ଦୁଇ ଦଶନ୍ଧି ସମୟ ଲାଗି ଯାଇଥିଲା।
ଏଫ୍ବିଆଇ ଜାରି କରିଥିବା ମେନିଫେଷ୍ଟୋ ବିଷୟରେ କାଞ୍ଜିରସ୍କିଙ୍କ ଭାଇ ଡେଭିଡ କାଞ୍ଜିରସ୍କି ଜାଣିବାକୁ ପାଇଥିଲେ। ସେ ତାଙ୍କ ଭାଇଙ୍କ ବିଷୟରେ ଏଫ୍ବିଆଇକୁ ଅନେକ ସୂଚନା ଦେଇଥିଲେ। ପ୍ରମାଣ ଆଧାରରେ ଏଫ୍ବିଆଇ ୩ ଏପ୍ରିଲ ୧୯୬୬ରେ କାଞ୍ଜିରସ୍କିଙ୍କୁୁ ଗିରଫ କରିଥିଲା। ଗିରଫ ପରେ ତାଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରାଯାଇଥିଲା।
