ନୂଆଦିଲ୍ଲୀ,୫।୫: ଆମେଠିରୁ କଂଗ୍ରେସ କିଶୋରୀ ଲାଲ ଶର୍ମାଙ୍କୁ ଟିକେଟ୍ ଦେଇଛି। ତେବେ ଟିକେଟ୍ ମିଳିବା ପରେ ସେ ଏକ ବିସ୍ପୋରକ ବୟାନ ଦେଇଛନ୍ତି। ସେ କହିଛନ୍ତି, ମୁଁ ଗାନ୍ଧୀ ପରିବାର ପାଇଁ ଚାକିରି କରୁନି କି ଦଳ ଠାରୁ କୌଣସି ଦରମା ନେଉନାହିଁ।
ସେ ଆହୁରି କହିଛନ୍ତି, ପୂର୍ବରୁ ଆମେଠିରୁ କିଏ ଲଢିବ ତାହା ସ୍ଥିର କରାଯାଇ ନ ଥିଲା। ଏହି ନିଷ୍ପତ୍ତି ଶୀର୍ଷ ନେତୃତ୍ୱଙ୍କର ଥିଲା । ମୁଁ ଏଠାରେ ଗାନ୍ଧୀ ପରିବାର ପାଖରେ ଚାକିରି କରୁନାହିଁ। ମୁଁ ଜଣେ ନେତା। କଂଗ୍ରେସ ଠାରୁ କୌଣସି ଦରମା ନେଉନାହିଁ । କାରଣ ମୁଁ କେବଳ ଜଣେ ନେତା। ୧୯୮୩ରେ ଯୁବ କଂଗ୍ରେସ ସମୟରେ ମୁଁ ଏଠାକୁ ଆସିଥିଲି।
ଏହି ପ୍ରଶ୍ନଉତ୍ତର ଭିତରେ ଯେତେବେଳେ ତାଙ୍କୁ ପଚରାଗଲା ଯେ ରାହୁଲ ଗାନ୍ଧୀ ପ୍ରଥମେ ଆମେଠିରୁ ୱାୟନାଡ ଯାଇଥିଲେ ପରେ ରାଏବରେଲି ଆସିଥିଲେ, ଏ ବିଷୟରେ କ’ଣ କହିବେ? ଉତ୍ତରରେ କେଏଲ ଶର୍ମା କହିଥିଲେ ଯେ, ଆମେଠିରୁ କିଏ ଲଢିବ ଏ ସମ୍ପର୍କରେ କେହି ଜାଣି ନ ଥିଲେ। କିନ୍ତୁ ଏବେ ମୋତେ ଟିକେଟ୍ ମିଳିବା ପରେ ବର୍ତ୍ତମାନ ମୁଁ ସ୍ମୃତି ଇରାନୀଙ୍କୁ ପରାସ୍ତ କରିବି। ତାଙ୍କ ଅନୁଗ୍ରହରେ ହିଁ ତାଙ୍କୁ ପରାଜିତ କରିବି।
