କଲମ୍ବୋ,୧୬।୮: ଭାରତର ଆପତ୍ତି ସତ୍ତ୍ୱେ ଚାଇନାର ଅନୁସନ୍ଧାନକାରୀ ଜାହାଜ ୟୁଆନ ୱାଙ୍ଗ-୫ ଶ୍ରୀଲଙ୍କାର ହାମ୍ବାନଟୋଟା ବନ୍ଦରରେ ପହଞ୍ଚିଛି। ଶ୍ରୀଲଙ୍କା ସରକାର ଏହାର ବନ୍ଦରକୁ ଆସିବାକୁ ଅନୁମତି ଦେଇଥିଲେ। ଏହି ଜାହାଜକୁ ଏକ ଅନୁସନ୍ଧାନକାରୀ ଜାହାଜ କୁହାଯାଏ, କିନ୍ତୁ ଏହା ମୁଖ୍ୟତଃ ଚାଇନା ସୈନ୍ୟବାହିନୀ ଅଧୀନରେ ଗୁପ୍ତଚର କାର୍ଯ୍ୟ କରିଥାଏ।
ୟୁଆନ ୱାଙ୍ଗ-୫ ଆଜି ସକାଳେ ହାମ୍ବାନଟୋଟା ବନ୍ଦରରେ ପହଞ୍ଚିଥିଲା। ଏହି ଜାହାଜ ଉଚ୍ଚ ଟେକ୍ନୋଲୋଜି ଦ୍ୱାରା ନିର୍ମିତ। ଭାରତ ସରକାର ଏହି ଉଚ୍ଚ-ବୈଷୟିକ ଅନୁସନ୍ଧାନକାରୀ ଜାହାଜକୁ ନେଇ ଚିନ୍ତା ପ୍ରକଟ କରିଛନ୍ତି। ଭାରତ ମହାସାଗରର ଉତ୍ତର-ପଶ୍ଚିମ ଭାଗରେ ଗୁପ୍ତଚର କରିବାର ସମ୍ଭାବନା ଥିବାରୁ ଏହି ପ୍ରସଙ୍ଗରେ ଭାରତ କଲମ୍ବୋରେ ମଧ୍ୟ ଅଭିଯୋଗ କରିଥିଲା। ଏହା ସତ୍ତ୍ୱେ ଶ୍ରୀଲଙ୍କା ପକ୍ଷରୁ ଚାଇନାର ଜାହାଜକୁ ହାମ୍ବାନଟୋଟା ପରିଦର୍ଶନ କରିବାକୁ ଅନୁମତି ଦିଆଯାଇଥିଲା।