ମୁମ୍ବାଇ, ୨୧।୪: ଆଇପିଏଲ ୨୦୨୧ରେ ଦିଲ୍ଲୀ କ୍ୟାପିଟାଲ୍ସ ମୁମ୍ବାଇ ଇଣ୍ଡିଆନ୍ସକୁ ପରାସ୍ତ କରିଛି। ୩୮ ବର୍ଷୀୟ ଲେଗ ସ୍ପିନର ଅମିତ ମିଶ୍ର ୪ ଉଇକେଟ ନେଇ ୧୩୭ ରନରେ ମୁମ୍ବାଇକୁ ଅଟକାଇଥିଲେ। ଏହା ପରେ ଦିଲ୍ଲୀ ୧୯.୧ ଓଭରରେ ୪ ଉଇକେଟ ନେଇ ଲକ୍ଷ୍ୟ ହାସଲ କରିଥିଲା। ଚଳିତ ସିଜନରେ ଏହା ଦିଲ୍ଲୀର ତୃତୀୟ ବିଜୟ। ଅନ୍ୟପକ୍ଷରେ ଚତୁର୍ଥ ମ୍ୟାଚ୍ରେ ଏହା ମୁମ୍ବାଇର ଦ୍ୱିତୀୟ ପରାଜୟ। ୫ତମ ଥର ପାଇଁ ଅମିତ ଆଇପିଏଲ୍ରେ ୪ଟି ଉଇକେଟ ନେଇଥିଲେ। ଏପର୍ଯ୍ୟନ୍ତ କୌଣସି ଭାରତୀୟ ଏହା କରିନାହାଁନ୍ତି। ଗତ ସିଜିନରେ ଅମିତ ମିଶ୍ରଙ୍କୁ ମାତ୍ର ୩ଟି ମ୍ୟାଚ ଖେଳିବାର ସୁଯୋଗ ମିଳିଥିଲା। କିନ୍ତୁ ଏହି ବୋଲର ନିଜର ଲୟ ହରାଇ ନାହାଁନ୍ତି। ଆଇପିଏଲରେ ଅମିତ ମିଶ୍ର ସର୍ବାଧିକ ଉଇକେଟ ନେଇଛନ୍ତି। ଆଇପିଏଲ୍ରେ ସାମଗ୍ରିକ ଉଇକେଟ ନେଇଥିବା ବୋଲରଙ୍କ ବିଷୟରେ ଅମିତ ଦ୍ୱିତୀୟ ସ୍ଥାନରେ ଅଛନ୍ତି। ୧୭୦ ଉଇକେଟ ନେଇ ଶ୍ରୀଲଙ୍କାର ଲାସିଥ ମାଲିଙ୍ଗା ଶୀର୍ଷରେ ଅଛନ୍ତି। ମାଲିଙ୍ଗ କ୍ରିକେଟରୁ ଅବସର ନେଇଛନ୍ତି। ଏଥି ସହ ଅମିତ ମିଶ୍ର ୧୬୪ ଉଇକେଟ ନେଇ ଦ୍ୱିତୀୟ ସ୍ଥାନରେ ଅଛନ୍ତି। ଅର୍ଥାତ୍ ଯଦି ସେ ଚଳିତ ସିଜନରେ ଆଉ ୭ ଉଇକେଟ ନିଅନ୍ତି, ତେବେ ସେ ଆଇପିଏଲ୍ରେ ସର୍ବାଧିକ ଉଇକେଟ ହାସଲକାରୀ ହେବେ। ସେ ୪ ଥର ୪ ଉଇକେଟ ଏବଂ ସେ ଥରେ ୫ଟି ଉଇକେଟ ନେଇଛନ୍ତି। ସେ ମଧ୍ୟ ଟି -୨୦ ଲିଗରେ ସର୍ବାଧିକ ତିନିଥର ହ୍ୟାଟ୍ରିକ ନେଇଛନ୍ତି।
