ଅହମଦାବାଦ,୧୩।୮: ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହା ଏବେ ଦୁଇ ଦିନିଆ ଗୁଜରାଟ ଗସ୍ତରେ ଅଛନ୍ତି। ରବିବାର ଗସ୍ତର ଦ୍ୱିତୀୟ ଦିନରେ ଶାହା ଅହମ୍ମଦାବାଦରେ ତିରଙ୍ଗା ଯାତ୍ରାକୁ ପତାକା ଦେଖାଇଥିଲେ। ଏହି ଅବସରରେ ସେ କହିଛନ୍ତି ଯେ ସ୍ବାଧୀନତାର ୭୫ବର୍ଷ ହୋଇସାରିଛି। ଦେଶ ପାଇଁ ଆମେ ମରି ପାରିବୁ ନାହିଁ, କାରଣ ଦେଶ ସ୍ବାଧୀନ ହୋଇଛି। କିନ୍ତୁ ଆମକୁ ଦେଶ ପାଇଁ ବଞ୍ଚିବାରେ କେହି ଅଟକାଇ ପାରିବେ ନାହିଁ।
ସେ କହିଛନ୍ତି, ସ୍ବାଧୀନତାର ଅମୃତ ମହୋତ୍ସବରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସମଗ୍ର ଦେଶରେ ଦେଶପ୍ରେମର ଲହରୀ ସୃଷ୍ଟି କରିବାର କାର୍ଯ୍ୟ କରିଛନ୍ତି। ପ୍ରତ୍ୟେକ ଘରେ ତ୍ରିରଙ୍ଗା ଅଭିଯାନ ବିଷୟରେ ମଧ୍ୟ ଲୋକଙ୍କୁ ନିବେଦନ କରାଯାଇଥିଲା। ଅମିତ ଶାହା କହିଛନ୍ତି, ପ୍ରଧାନମନ୍ତ୍ରୀ ଦେଶର ପ୍ରତ୍ୟେକ ଶିଶୁ ଏବଂ ଦେଶର ପ୍ରତ୍ୟେକ ଯୁବକଙ୍କ ମନରେ ଦେଶପ୍ରେମର ଲହରୀ ସୃଷ୍ଟି କରିବା ପାଇଁ ଏକ ଅଭିଯାନ ଆରମ୍ଭ କରିଛନ୍ତି। ଆଜି ଯେତେବେଳେ ହଜାର ହଜାର ଲୋକ ତ୍ରିରଙ୍ଗା ବୋହି ନେଉଛନ୍ତି, ମୁଁ ଦେଖୁଛି ଯେ ଏହି ଅଭିଯାନ ସଫଳ ହୋଇଛି।
କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀ କହିଛନ୍ତି ଯେ ୨୦୨୨ ଅଗଷ୍ଟ ୧୫ରେ ଦେଶରେ ଗୋଟିଏ ବି ଘର ନ ଥିଲା ଯେଉଁଥିରେ ତ୍ରିରଙ୍ଗା ଉତ୍ତୋଳନ କରାଯାଇ ନ ଥିଲା, କେହି ସେଲଫି ନେଇ ନ ଥିଲେ। ମୋଦି ପୁଣି ଏକ ଆହ୍ବାନ ଦେଇଛନ୍ତି। ଯଦି ସମସ୍ତଙ୍କ ଘରେ ତ୍ରିରଙ୍ଗା ଉତ୍ତୋଳନ କରାଯାଏ, ତେବେ ସମଗ୍ର ଗୁଜୁରାଟ ଏବଂ ସମଗ୍ର ଦେଶ ତ୍ରିରଙ୍ଗା ମୟ ହୋଇଯିବ।