ନୂଆଦିଲ୍ଲୀ,୧୬।୯: କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହା ଶନିବାର ବିହାରର ମଧୁବନୀ ଏବଂ ଆରାରିଆ ଜିଲା ଗସ୍ତ କରିବେ। ଏହି ଦିନିକିଆ ବିହାର ଗସ୍ତରେ ଅମିତ ଶାହା ମଧୁବନୀର ଝଞ୍ଝାରପୁର ଠାରେ ଭାଜପାର ସାଧାରଣ ସଭାକୁ ସମ୍ବୋଧିତ କରିବାର କାର୍ଯ୍ୟକ୍ରମ ରହିଛି। ସେ ଆରାରିଆର ଜୋଗବନୀ ଇଣ୍ଟିଗ୍ରେଟେଡ ଚେକ ପୋଷ୍ଟରେ ନୂତନ ଭାବରେ ନିର୍ମିତ ଆବାସିକ ଅଟ୍ଟାଳିକାକୁ ମଧ୍ୟ ଉଦ୍ଘାଟନ କରିବେ। ତାଙ୍କର ଏହି ଗସ୍ତ ୨୦୨୪ ରେ ହେବାକୁ ଥିବା ଲୋକ ସଭା ନିର୍ବାଚନ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଉଛି।
ବିଶାଳ ରାଲି ପୂର୍ବରୁ ମଧ୍ୟ ବିହାରର ମହମେଣ୍ଟ ସରକାର ଉପରେ ଆକ୍ରମଣ କରିବାକୁ ଯାଉଛନ୍ତି ବୋଲି ଅମିତ ଶାହା ସଙ୍କେତ ଦେଇଛନ୍ତି। ଲାଲୁ-ନୀତୀଶଙ୍କୁ ଶାହା ଟର୍ଗେଟ୍ କରିବେ ବୋଲି କୁହାଯାଉଛି। ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ରେ ଏହି କାର୍ଯ୍ୟକ୍ରମ ପୂର୍ବରୁ ସ୍ବରାଷ୍ଟ୍ର ଲେଖିଛନ୍ତି,ଜ୍ଞାନ ଏବଂ ପରିଶ୍ରମର ଭୂମି ବିହାରରେ ଆଜି ପ୍ରତ୍ୟେକ ସ୍ଥାନରେ ଜଙ୍ଗଲରାଜ୍ ଅଛି। ରାଜ୍ୟରେ ଉନ୍ନତ ବିକାଶ ଏବଂ ସୁରକ୍ଷା କେବଳ ଭାଜପା ସରକାର ହିଁ ସମ୍ଭବ କରିପାରିବେ। ଦିନରାତି ଦେଶର ସୀମା ସୁରକ୍ଷାରେ ଥିବା ସୈନିକମାନଙ୍କ ସୁବିଧା ପାଇଁ ମୋଦି ସରକାର ନିରନ୍ତର କାର୍ଯ୍ୟ କରୁଛନ୍ତି ବୋଲି ଶାହା କହିଛନ୍ତି। ସେ ଆହୁରି କହିଛନ୍ତି, ଶନିବାର ଆରାରିଆର ଜୋଗବାନୀ ଇଣ୍ଟିଗ୍ରେଟେଡ ଚେକ ପୋଷ୍ଟ ଏବଂ ବଥନାହାରେ ଏସସିବିରେ ଏଲପିଏଆଇର ନୂତନ ନିର୍ମିତ ଆବାସିକ ଅଟ୍ଟାଳିକାକୁ ଉଦ୍ଘାଟନ କରିବି।