ଗାନ୍ଧିନଗର,୪।୬: ଗୁଜରାଟର ସବୁଠାରୁ ହାଇ ପ୍ରୋଫାଇଲ ଆସନରୁ ପୁଣି ଥରେ ଭାଜପା ଟିକେଟରେ ନିର୍ବାଚନ ଲଢ଼ିଥିବା କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହା ୭ ଲକ୍ଷରୁ ଅଧିକ ଭୋଟରେ ବିଜୟୀ ହୋଇଛନ୍ତି। ଏହା ଗୁଜରାଟ ଇତିହାସରେ ସବୁଠାରୁ ବୃହତ ବ୍ୟବଧାନରେ ବିଜୟ ବୋଲି କୁହାଯାଉଛି। ତାଙ୍କ ବିରୋଧରେ କଂଗ୍ରେସ ପ୍ରାର୍ଥୀ ସୋନଲ ପଟେଲ ପରାଜିତ ହୋଇଛନ୍ତି।
ଚଳିତ ନିର୍ବାଚନରେ ଏହି ଆସନରେ ମେ ୭ରେ ଭୋଟଗ୍ରହଣ କରାଯାଇଥିଲା। ଏଥିରେ ମୋଟ ୫୯.୧୯% ଭୋଟଗ୍ରହଣ ହୋଇଥିଲା। ୨୦୧୯ରେ ଏହି ଲୋକ ସଭା ଆସନରେ ୬୬.୦୮% ଭୋଟଗ୍ରହଣ ହୋଇଥିଲା। ସେତେବେଳେ ଶାହା ୮ ଲକ୍ଷ ୯୪ ହଜାର ଭୋଟ ପାଇ ଏକତରଫା ନିର୍ବାଚନ ଜିତିଥିଲେ। ଭାଜପାର ଏହି ଗଡ଼ରୁ ଅନେକ ଥର ଦଳର ସଂସ୍ଥାପକ ସଦସ୍ୟ ଲାଲକୃଷ୍ଣ ଆଡଭାଣୀ ଏତେ ବଡ଼ ବ୍ୟବଧାନରେ ବିଜେତା ହୋଇ ଲୋକ ସଭା ଯାଇଥିଲେ।
