ମୁମ୍ବାଇ: ବିଗ ବି ଅମିତାଭ ବଚ୍ଚନ ସୋସିଆଲ ମିଡିଆରେ ସବୁବେଳେ ସକ୍ରିୟ ରୁହନ୍ତି। ଏପରିକି ସେ ତାଙ୍କ ଫ୍ୟାନ୍ସଙ୍କ ସହ ସବୁବେଳେ ଇଣ୍ଟରଆକ୍ଟ କରନ୍ତି। ବ୍ୟକ୍ତିଗତ କଥା ହେଉ କି ଫିଲ୍ମକୁ ନେଇ ସେ ସବୁକଥା ସୋସିଆଲ ମିଡିଆରେ ପ୍ରକାଶ କରନ୍ତି। ତେବେ ଅମିତାଭ ଏବେ ଏପରି ଏକ ପୋଷ୍ଟ କରିଛନ୍ତି ଯାହାକୁ ନେଇ ଓ୍ବାର୍ଲ୍ଡକପ ଫାଇନାଲ ମ୍ୟାଚ ନ ଦେଖିବାକୁ ସତର୍କ କରାଯାଇଛି।
ଓ୍ବାର୍ଲ୍ଡକପ ଫାଇନାଲ ମ୍ୟାଚରେ ଇଣ୍ଡିଆ ଖେଳିବାକୁ ଯାଉଥିବାବେଳେ ବିପକ୍ଷରେ କିଏ ଖେଳିବ ତାହା ଆଜି ଦ୍ୱିତୀୟ ସେମିଫାଇନାଲ ମ୍ୟାଚରେ ନିର୍ଣ୍ଣୟ ହେବ। ତେବେ ଏହି ସମୟରେ ସୋସିଆଲ ମିଡିଆରେ ଏକ ପୋଷ୍ଟ କରି ଅମିତାଭ କହିଛନ୍ତି, ଯେତେବେଳେ ସେ ଇଣ୍ଡିଆ ଖେଳୁଥିବା ମ୍ୟାଚ ନ ଦେଖନ୍ତି ସେତେବେଳେ ହିଁ ଇଣ୍ଡିଆ କ୍ରିକେଟ ଟିମ୍ ମ୍ୟାଚ ଜିତିଥାଏ। ବୁଧବାର ହୋଇଥିବା ଭାରତ-ନ୍ୟୁଜିଲାଣ୍ଡ ମ୍ୟାଚ ପରେ ବିଗ ବି ଏପରି ପୋଷ୍ଟ ଶେୟାର କରିଛନ୍ତି। ଯାହାକୁ ନେଇ ଫ୍ୟାନ୍ସ ତାଙ୍କୁ ଫାଇନାଲ ମ୍ୟାଚ ନ ଦେଖିବାକୁ ପାଇଁ ପରାମର୍ଶ ଦେଇଛନ୍ତି।
କିଛି ୟୁଜର୍ସ ତାଙ୍କୁ ମ୍ୟାଚ ନ ଦେଖିବା ପାଇଁ ପରାମର୍ଶ ଦେବା ସହ କିଛି ତାଙ୍କ ଫଟୋ ଶେୟାର କରିଛନ୍ତି। ଯେଉଁଥିରେ ତାଙ୍କ ଆଖିରେ କଳାପଟି ଲାଗିଛି। ଆଉ କିଛି ଜଣ ତାଙ୍କୁ ଆଖିରେ କାକୁଡି ଲଗେଇ ଆରାମ କରିବାକୁ କହିଛନ୍ତି। କେବଳ ବାଣ ଫୁଟିଲେ ବାହାରକୁ ଆସିବା ପାଇଁ ପରାମର୍ଶ ଦେଇଛନ୍ତି। ସେହିପରି ଆଉ ଜଣେ ୟୁଜର୍ସ ତାଙ୍କୁ ୨ଟାରୁ ୧୧ଯାଏଁ ସିଫ୍ଟ କରିବାକୁ କହିଛନ୍ତି।