ବଲିଉଡର ସୁପରଷ୍ଟାର ଅମିତାଭ ବଚ୍ଚନଙ୍କ ଏବେ ଚର୍ଚ୍ଚାରେ ଅଛନ୍ତି। ସେ ସୋସିଆଲ ମିଡିଆରେ ମଧ୍ୟ ବହୁତ ସକ୍ରିୟ। ପ୍ରତିଦିନ ପ୍ରଶଂସକଙ୍କ ସହ ନିଜସ୍ବ ମତ କିଛି ବାଣ୍ଟନ୍ତି । ଆଜିକାଲି ବିଗ ବି ରିଅଲିଟି ଶୋ’ କୌନ ବନେଗା କରୋଡପତି ୧୫ର ହୋଷ୍ଟ କରୁଛନ୍ତି। ଶୋ’ରେ ସେ ପ୍ରତିଯୋଗୀମାନଙ୍କ ସହିତ ତାଙ୍କ ବ୍ୟକ୍ତିଗତ ଜୀବନ ବିଷୟରେ କିଛି କଥା ଶେୟାର କରିଥାନ୍ତି। ଗତ ସୋମବାର ଏପିସୋଡ ସ୍ବତନ୍ତ୍ର ଥିଲା। ଏହି ଏପିସୋଡରେ ସମାଜ ପାଇଁ ଭଲ କାମ କରଥିବା ବ୍ୟକ୍ତିଙ୍କୁ ସମ୍ମାନୀତ କରାଯାଇଥିଲା। ଅଭିନେତା ରଣଦୀପ ହୁଡ୍ଡା ସାମାଜିକ କର୍ମୀ ପୁନା ତାମ୍ବେକର ସହ ନଜର ଆସିଥାନ୍ତି।
ଏହି ପର୍ଯ୍ୟାୟରେ ଅତିଥି ସୋସିଆଲ ମିଡିଆ ନିଶା ବିଷୟରେ କହିଥିଲେ। ରଣଦୀପ କହିଛନ୍ତି, ଖେଳ ପ୍ରତି ନିଶା ଥିବାରୁ ଜଣେ ମହିଳା ନିଜ ପିଲାଙ୍କ ଜୀବନ ନେବାକୁ ପଛାଇ ନ ଥିଲେ। ଏହି ସମୟରେ ଅମିତାଭ ବଚ୍ଚନ ସୋସିଆଲ ମିଡିଆ ନିଶା ବିଷୟରେ ମଧ୍ୟ କହିଥିଲେ।
ଅମିତାଭ କହିଛନ୍ତି, ମୁଁ ଆଜିକାଲି ସୋସିଆଲ ମିଡିଆରେ ଅତ୍ୟଧିକ ବ୍ୟବହାର କରିବାକୁ ଲାଗିଛି। ବ୍ଲଗ ଲେଖି ଲେଖି ମୁଁ ବି ଏହାର ଅଭ୍ୟାସରେ ପଡିଗଲିଣି। ସୋସିଆଲ ମିଡିଆ ଦେଖୁ ଦେଖୁ ବେଳେବେଳେ ୧ରୁ ୨ ଘଣ୍ଟା ପର୍ଯ୍ୟନ୍ତ ବିତିଯାଏ ଜଣାପଡେ ନାହିଁ। ଏହା ବହୁତ ଖରାପ ଅଭ୍ୟାସ।
ଅମିତାଭ ବଚ୍ଚନଙ୍କୁ ନିକଟରେ ମୁକ୍ତିଲାଭ କରିଥିବା ଚଳଚ୍ଚିତ୍ର ଗଣପତରେ ଦେଖିବାକୁ ମିଳିଥିଲା। ଏହି ଫିଲ୍ମରେ କ୍ରିତି ସାନନ ଏବଂ ଟାଇଗର ଶ୍ରଫ ମୁଖ୍ୟ ଭୂମିକାରେ ନଜର ଆସିଥିଲେ।