ବଲିଉଡ ଅଭିନେତା ଅମିତାଭ ବଚ୍ଚନ ସୋସିଆଲ ମିଡିଆରେ ବେଶ୍ ସକ୍ରିୟ। ନିଜ ପ୍ରଶଂସକଙ୍କ ସହ ସବୁବେଳେ ଯୋଡି ହୋଇ ରହିବାକୁ ଭଲ ପାଆନ୍ତି। କେତେବେଳେ ନିଜ ଫିଲ୍ମର ଫଟୋ ଶେୟାର କରନ୍ତି ତ ଆଉ କେତେବେଳେ କିଛି ଶିକ୍ଷଣୀୟ କଥା କହି ପ୍ରଶଂସକଙ୍କ ହୃଦୟ ଜିତନ୍ତି। ନିକଟରେ ଅମିତାଭ ସୋସିଆଲ ମିଡିଆରେ ଏକ ଫଟୋ ଶେୟାର କରିଛନ୍ତି। ଫଟୋ ସହିତ ସେ କହଥିବା ଏକ ସାମାଜିକ ବାର୍ତ୍ତା ସମସ୍ତଙ୍କ ହୃଦୟକୁ ଛୁଇଁଛି। ସେ ସୋସିଆଲ ମିଡିଆରେ ଦୁଇଟି ମକାର ଫଟୋ ଶେୟାର କରିଛନ୍ତି। ଗୋଟିଏ ମକା କଞ୍ଚା ଏବଂ ଅନ୍ୟଟି ପୋଡା ଯାଇଛି। ଏହି ମକା ଦୁଇଟିର ମୂଲ୍ୟକୁ ବାଖ୍ୟା କରିଛନ୍ତି ଅମିତାଭ। କଞ୍ଚା ମକା ପାଞ୍ଚ ଟଙ୍କାରେ କିଣାଯାଏ। କିନ୍ତୁ ତାହା ପୋଡି ଗଲାପରେ ତାକୁ ୨୦ ଟଙ୍କାରେ ବିକ୍ରି କରାଯାଏ। ଏହି ଫଟୋ ସହିତ ସେ ଲେଖିଛନ୍ତି – ଜୀବନରେ ମୂଲ୍ୟ ବଢାଇବାର ଥିଲେ, ଗରମ ହେବାକୁ ପଡିବ। ପ୍ରଶଂସକମାନେ ଏହି ପୋଷ୍ଟରେ ସେମାନଙ୍କର ମତାମତ ଦେଉଛନ୍ତି। ସମସ୍ତେ ଅମିତାଭଙ୍କ ଏହି ଚିନ୍ତାଧାରାକୁ ପ୍ରଶଂସା କରୁଛନ୍ତି। ଏହି ପୋଷ୍ଟ ଏବେ ଭାଇରାଲ ହେବାରେ ଲାଗିଛି।