ମୁମ୍ବାଇ,୧୧ା୭- ବଲିଉଡ୍ ସୁପରଷ୍ଟାର ଅମିତାଭ ବଚ୍ଚନଙ୍କ କୋଭିଡ୍ ପଜିଟିଭ୍ ବାହାରିଛି। ଏନେଇ ସେ ଶନିବାର ଟୁଇଟରରେ ସୂଚନା ଦେଇଛନ୍ତି। ଏହି ବିଶିଷ୍ଟ ଅଭିନେତା କରୋନା ଭୂତାଣୁରେ ସଂକ୍ରମିତ ହୋଇଥିବା ଜଣାପଡ଼ିବା ପରେ ତାଙ୍କୁ ମୁମ୍ବାଇସ୍ଥିତ ନାନାବତୀ ହସ୍ପିଟାଲରେ ଭର୍ତ୍ତି କରାଯାଇଛି। ତାଙ୍କ ପରିବାରର ଅନ୍ୟ ସଦସ୍ୟ ଓ ଷ୍ଟାଫ୍ମାନଙ୍କ ମଧ୍ୟ କୋଭିଡ୍ ଟେଷ୍ଟ କରାଯାଇଛି, ଯାହାର ରିପୋର୍ଟ ଆସିନାହିଁ। ଯେଉଁମାନେ ବିଗତ ୧୦ ଦିନ ମଧ୍ୟରେ ଅମିତାଭଙ୍କ ସଂଶର୍ସ୍ପରେ ଆସିଥିଲେ, ସେମାନେ ସମସ୍ତେ ନିଜ ନିଜ ନମୁନା ପରୀକ୍ଷା କରାଇନିଅନ୍ତୁ ବୋଲି ମହାନାୟକ ଅମିତାଭ ଅନୁରୋଧ କରିଛନ୍ତି।