ବମ୍ବେ: ବଲିଉଡ୍ ମହାନାୟକ ଅମିତାଭ ବଚ୍ଚନ ସୋସିଆଲ ମିଡିଆରେ ବେଶ ଆକ୍ଟିଭ୍। ପ୍ରତିଦିନ ସେ ନିଜର କିଛି ଫଟୋ ନଚେତ ଭିଡିଓ ଶେୟାର କରି ପ୍ରଶଂସକଙ୍କ ସହ ଯୋଡ଼ି ହୋଇ ରହିଥାନ୍ତି। ହେଲେ ଏବେ ସେ ନିଜର ଏକ ପୋଷ୍ଟକୁ ନେଇ ଟ୍ରୋଲ ହେଉଥିବା ଦେଖାଯାଇଛି।
ନିକଟରେ ବିଗ୍ବି ନିଜର ଟୁଇଟର ଆକାଉଣ୍ଟରେ ତୁଳସୀଙ୍କୁ ଜଳ ଅର୍ପଣ କରୁଥିବାର ଏକ ଫଟୋ ଶେୟାର କରିଥିଲେ। ହେଲେ ଏହାକୁ କରିବା ବେଳେ ସେ ଏକ ଭୂଲ କରିଦେଇଥିଲେ। ସେଇଟି ଥିଲା ଅଭିନେତା ନିଜର ବାମହାତରେ ଏହି କାର୍ଯ୍ୟ କରିଥିଲେ। ଯାହାକୁ ନେଇ ଲୋକେ ତାଙ୍କୁ ଟ୍ରୋଲ କରିବା ସହ ସଠିକ୍ ଭାବେ ଜଳ ଅର୍ପଣ କରନ୍ତୁ ବୋଲି ପରାମର୍ଶ ଦେଉଛନ୍ତି।
ଜଣେ ବ୍ୟବହାରକାରୀ ଲେଖିଛନ୍ତି, ‘ସାର, ପୂଜାରେ ଉଭୟ ହାତ ବ୍ୟବହାର ହୋଇଥାଏ’। ସେହିଭଳି ଅନ୍ୟଜଣେ ‘ସାର୍, ତୁଳସୀଙ୍କୁ ବାମହାତରେ ଜଳ ଅର୍ପଣ କରାଯାଇ ନ ଥାଏ। ପୂଜାରେ ଡାହାଣ ହାତ ବ୍ୟବହାର କରିବା କଥା ’ ବୋଲି କହିଛନ୍ତି। ତେବେ ବିଗ୍ବି ଏନେଇ କୌଣସି ପ୍ରତିକ୍ରିୟା ଦେଇନାହାନ୍ତି।
T 4822 – तुलसी पे जल, प्रतिदिन 🚩🚩 pic.twitter.com/0gqEBT4l7D
— Amitabh Bachchan (@SrBachchan) November 5, 2023
