ଚଣ୍ଡିଗଡ,୧୨।୪: ଖଲିସ୍ତାନୀ ନେତା ଅମ୍ରିତପାଲ ସିଂ ପାଖାପାଖି ୨୬ ଦିନ ହେବ ଫେରାର ଅଛନ୍ତି। ତାଙ୍କୁ ଖୋଜିବା ପାଇଁ ପଞ୍ଜାବ ପୋଲିସ କ୍ରମାଗତ ଭାବରେ ସର୍ଚ୍ଚ ଅପରେଶନ ଜାରି ରଖିଛି, କିନ୍ତୁ ଏ ପର୍ଯ୍ୟନ୍ତ ତାଙ୍କୁ ଗିରଫ କରିବାରେ ସକ୍ଷମ ହୋଇ ନାହିଁ। ତେବେ ବର୍ତ୍ତମାନ ଅମ୍ରିତପାଲଙ୍କ ଖୋଜିବାରେ ପଞ୍ଜାବ ପୋଲିସ ପାଇଁ ଏକ ଚ୍ୟାଲେଞ୍ଜ ପାଲଟିଛି। ବର୍ତ୍ତମାନ ଅମ୍ରିତପାଲଙ୍କୁ ଧରିବା ପାଇଁ ପୋଲିସ ସାଧାରଣ ଜନତାଙ୍କ ସହଯୋଗ ଲୋଡିଛି। ବଟାଲା ରେଳ ଷ୍ଟେଶନରେ ଅମ୍ରିତପାଲଙ୍କ ପୋଷ୍ଟର ଲଗାଇଛି ପୋଲିସ।
ଏହି ପୋଷ୍ଟରଗୁଡ଼ିକରେ ଲେଖାଯାଇଛି ଯେ, ଅନେକ ଦିନ ହେଲା ପୋଲିସ ଅମ୍ରିତପାଲଙ୍କୁ ଖୋଜୁଛି। ଯଦି କେହି ତାଙ୍କ ବିଷୟରେ କୌରସି ସୂଚନା ପାଆନ୍ତି, ତେବେ ତୁରନ୍ତ ପୋଲିସକୁ ଜଣାଇବ। ପୋଲିସ ପକ୍ଷରୁ କୁହାଯାଇଛି ଯେ, ଅମ୍ରିତପାଲ ସିଂଙ୍କ ବିଷୟରେ ସୂଚନା ଦେଉଥିବା ବ୍ୟକ୍ତିଙ୍କୁ ଉପଯୁକ୍ତ ପୁରସ୍କାର ଦିଆଯିବ ହେଲେ ତାଙ୍କ ନାମ ଗୋପନ ରଖାଯିବ।