ଅହମ୍ମଦାବାଦ୍,୩।୨: ଗୁଜରାଟର କମ୍ପାନୀ ଅମୂଲ ପୁଣି ଥରେ କ୍ଷୀରର ମୂଲ୍ୟ ବୃଦ୍ଧି କରିଛନ୍ତି। କ୍ଷୀରର ମୂଲ୍ୟ ଲିଟର ପିଛା ୩ ଟଙ୍କା ବୃଦ୍ଧି କରାଯାଇଛି। ଏହା ତୁରନ୍ତ ପ୍ରଭାବ ସହିତ କାର୍ଯ୍ୟକାରୀ ହେବ। ଏହି ବୃଦ୍ଧି ପରେ ଅମୂଲ ଗୋଲ୍ଡର ମୂଲ୍ୟ ଲିଟର ପିଛା ୬୬ ଟଙ୍କା, ଅମୂଲ ଫ୍ରେଶ ପିଛା ୫୪ ଟଙ୍କା, ଅମୂଲ ଗାଈ କ୍ଷୀର ଲିଟର ପିଛା ୫୬ ଟଙ୍କା ଏବଂ ଅମୂଲ ମଇଁଷି କ୍ଷୀରର ଲିଟର ପିଛା ୭୦ ଟଙ୍କା ହେବ।
ଅମୂଲ ଗତ ବର୍ଷ ଅକ୍ଟୋବରରେ କ୍ଷୀରର ମୂଲ୍ୟ ଲିଟର ପିଛା ୨ ଟଙ୍କା ବୃଦ୍ଧି କରିଥିଲେ। ଅମୂଲ ଚଳିତ ବର୍ଷ ପ୍ରଥମ ଥର ପାଇଁ କ୍ଷୀରର ମୂଲ୍ୟ ବୃଦ୍ଧି କରିଛି।