ଅଷ୍ଟ୍ରେଲିଆର ୨୭ ବର୍ଷିୟା ଷ୍ଟେଫନି ଗୋର୍ଟନ ଡେଟିଂ ଆପ୍ ମାଧ୍ୟମରେ ଜଣେ ବ୍ୟକ୍ତିଙ୍କୁ ଭେଟିଥିଲେ। ଉକ୍ତ ବ୍ୟକ୍ତିଙ୍କ ପାଇଁ ଷ୍ଟେଫନି ନିଜ ଚାକରି ଏବଂ ଘର ମଧ୍ୟ ଛାଡିବାକୁ ପଛାଇଲେ ନାହିଁ। କିନ୍ତୁ ପରେ ଯାହା ଘଟିଲା ଷ୍ଟେଫିନ ଲଜ୍ଜାରେ କାହାକୁ ମୁହଁ ଦେଖାଇପାରିଲେ ନାହିଁ।
ଷ୍ଟେଫନି ତାଙ୍କର ଏହି ବ୍ୟକ୍ତିଙ୍କୁ ଟିଣ୍ଡର ଆପ୍ ମାଧ୍ୟମରେ ଭେଟିଥିଲେ। ଖୁବ୍ କମ୍ ସମୟ ଭିତରେ ଉଭୟଙ୍କ ମଧ୍ୟରେ ଘନିଷ୍ଠତା ବଢ଼ିଲା। ଉଭୟ ଲଙ୍ଗ୍ ଡିଷ୍ଟାନ୍ସ ରିଲେଶନସିପ୍ରେ ରହିବାକୁ ଲାଗିଲେ। ସ୍କଟଲାଣ୍ଡରେ ଏକ ଘର ତିଆରି କରିବାକୁ ସେମାନେ ନିଷ୍ପତ୍ତି ନେଲେ। ଇତିମଧ୍ୟରେ ଷ୍ଟେଫନି ନିଜ ଚାକିରି ମଧ୍ୟ ଛାଡିଦେଲେ। ଉକ୍ତ ପ୍ରେମିକଙ୍କୁ ବିବାହ କରିବା, ପିଲାମାନଙ୍କ ନାମ ଆଦି ବିଷୟରେ ସେ ସମସ୍ତ ଯୋଜନା କରିସାରିଥିଲେ। ହେଲେ ସ୍କଟଲାଣ୍ଡ ଯିବା ପୂର୍ବରୁ ସବୁକିଛି ଠିକ୍ ନ ଥିବା ଷ୍ଟେଫନି ଅନୁଭବ କଲେ। ସବୁକିଛି ଠିକ୍ ଚାଲିଥିବା ବେଳେ ପ୍ରେମିକ କିନ୍ତୁ ତାଙ୍କୁ ସ୍କଟଲାଣ୍ଡ ଯିବାକୁ ମନାକରିକଲେ। ଆର୍ଥୀକ ସ୍ଥିତି ଭଲ ନାହିଁ, ତେଣୁ ତୁମର ଦେଖାଶୁଣା କରିପାରିବି ନାହି ବୋଲି ସେ କହିଥିଲେ।
ଏହା ପରେ ଷ୍ଟେଫନି ପ୍ରେମିକଙ୍କ ବିଷୟରେ ସବୁକଥା ଜାଣିବା ପାଇଁ ଚେଷ୍ଟା କଲେ। ଶେଷରେ ସେ ସବୁ ସତକଥା ଜାଣିପାରିଲେ। ଉକ୍ତ ପ୍ରେମିକ ଦକ୍ଷିଣ ଆମେରିକାର ଜଣେ ଝିଅଙ୍କ ସହ ସମୟ ବିତାଉଛନ୍ତି। ସେ ସସ୍ତଙ୍କୁ ଏହିପରି ମିଛ କଥା କହି ପ୍ରେମ ଜାଲରେ ଫସାଇଥାନ୍ତି। କିଛି ଦିନ ଝିଅମାନଙ୍କ ସହ ସମୟ ବିତାଇବା ପରେ ତାଙ୍କୁ ଛାଡିଦେଇଥାନ୍ତି। ସବୁକିଛି ଜାଣିବା ପରେ ଷ୍ଟଫିନ ଆଶ୍ଚର୍ଯ୍ୟ ହୋଇଯାଇଥିଲେ। ପ୍ରେମିକଙ୍କ ସହ ସେ ସବୁ ସମ୍ପର୍କ ସମାପ୍ତ କଲେ। ପରେ ଛାଡିଥିବା ଚାକିରିକୁ ଫେରିପାଇଲେ। କିନ୍ତୁ ଏଥିପାଇଁ ତାଙ୍କୁ ଲଜ୍ଜା ଅନୁଭବ କରିବାପୁ ପଡ଼ିଲା।