କ୍ୱିଟୋ,୧୯ ।୩: ଶନିବାର ଇକ୍ୱେଡୋରରେ ଏକ ଶକ୍ତିଶାଳୀ ଭୂକମ୍ପ ଆସିବାର ସୂଚନା ମିଳିଛି । ୟୁଏସ ଜିଓଲଜିକାଲ ସର୍ଭେ ଇକ୍ୱେଡୋରର ଗୁୟାସ ଅଞ୍ଚଳରେ୬.୭ ତୀବ୍ରତାର ଭୂକମ୍ପ ହୋଇଥିବା ସୂଚନା ଦେଇଛି । ନ୍ୟୁଜ ଏଜେନ୍ସି ଏପି କହିଛି ଭୂକମ୍ପ ଯୋଗୁ ଦେଶର ଦ୍ୱିତୀୟ ସବୁଠାରୁ ବଡ ସହର ଗୁଆୟାକିଲ ନିକଟରେ ଥିବା ଅଞ୍ଚଳକୁ ଦୋହଲାଇ ଦେଇଛି । ଏହି ଭୂକମ୍ପରେ ଏବେ ପର୍ଯ୍ୟନ୍ତ ୧୨ ଜଣଙ୍କ ମୃତ୍ୟୁ ହୋଇଥିବା ସୂଚନା ରହିଛି । ଏହାସହ ଘର ଓ ବଡ ବଡ କୋଠା କ୍ଷତିଗ୍ରସ୍ତ ହୋଇଥିବା ଜଣାପଡିଛି ।
ଭୂକମ୍ପର କେନ୍ଦ୍ର ଇକ୍ୱାଡୋର ଦ୍ୱିତୀୟ ସବୁଠାରୁ ବଡ ସହର ଗୁଆୟାକିଲରୁ ପ୍ରାୟ ୫୦ ମାଇଲ(୮୦ କିଲୋମିଟର) ଦକ୍ଷିଣରେ କେନ୍ଦ୍ରୀତ ଥିଲା । ସୋସିଆଲ ମିଡିଆରେ ଶେୟାର କରାଯାଇଥିବା ଭିଡିଓରେ ଲୋକେ ଗୁଆୟାକିଲ ସଡ଼କରେ ଏକାଠି ହୋଇଥିବା ଦେଖିବାକୁ ମିଳିଛି ।
ଇକ୍ୱାଡୋର ରାଷ୍ଟ୍ରପତି ଗୁଇଲେର୍ମୋ ଲାସସୋ କହିଛନ୍ତି ଶକ୍ତିଶାଳୀ ଭୂକମ୍ପରେ ୧୨ ଜଣଙ୍କ ମୃତ୍ୟୁ ହୋଇଛି । ଦକ୍ଷିଣ ଇକ୍ୱାଡୋର ଓ ଉତ୍ତର ପେରୁରେ ଆସିଥିବା ଭୂକମ୍ପରେ ବଡ ବଡ ଘର କ୍ଷତିଗ୍ରସ୍ତ ହୋଇଛି ।