ସମ୍ବଲପୁର,୨୧।୬(ବ୍ୟୁରୋ): ପୋଖରୀରେ ଫସିଥିବା ଅସୁସ୍ଥ ହାତୀର ମଙ୍ଗଳବାର ମୃତ୍ୟୁ ହୋଇଛି। ଏ ନେଇ ସମ୍ବଲପୁର ଡିଏଫଓ ସୂଚନା ଦେଇଛନ୍ତି ।
ସୂଚନାଯୋଗ୍ୟ, ସମ୍ବଲପୁର ବନଖଣ୍ଡ ପଡ଼ିଆବାହାଲ ରେଞ୍ଜ ସାପଲହରା ଗାଁ ପୋଖରୀରେ ଏକ ଦନ୍ତାହାତୀ ଫସି ରହିଥିଲା । ଫସିଥିବା ହାତୀଟିର ସ୍ବାସ୍ଥ୍ୟବସ୍ଥା ବିଗିଡିବାକୁ ଲାଗିଥିଲା। ଓୟୁଏଟିର ଏକ ଟିମ ସମ୍ବଲପୁରରେ ପହଞ୍ଚି ହାତୀର ଚିକିତ୍ସା ଆରମ୍ଭ କରିଥିଲେ। ହେଲେ ସେଥିରେ ହାତୀଟି ସୁସ୍ଥ ହୋଇ ନଥିଲା। ବନବିଭାଗ ପକ୍ଷରୁ ଫସିଥିବା ହାତୀକୁ ବାହାର କରିବା ପାଇଁ ଚେଷ୍ଟା କରାଯାଇଥିଲା। ଶେଷରେ ମଙ୍ଗଳବାର ଦିନ କ୍ରେନ ଓ ରଶି ସହାୟତାରେ ହାତୀକୁ ପୋଖରୀରୁ ବାହାରକୁ ଅଣାଯାଇଥିଲା । ହେଲେ ସେତେବେଳକୁ ଦନ୍ତା ହାତୀଟିର ମୃତ୍ୟୁ ହୋଇସାରିଥିଲା ।