ନୂଆଦିଲ୍ଲୀ,୨୬।୮: ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଝିଅ ଇତିଶ୍ରୀଙ୍କ ନାମରେ ଫେକ୍ ଟୁଇଟର ଆକାଉଣ୍ଟ ଖୋଲିଥିବା ଗ୍ରେଟର ନୋଏଡ଼ାର ଜଣେ ୪୨ ବର୍ଷୀୟ ସଫ୍ଟଓ୍ବେର ଇଞ୍ଜିନିୟରଙ୍କୁ ଗୁରୁବାର ଗିରଫ କରାଯାଇଛି। ଅଭିଯୁକ୍ତ ଶୈଳେନ୍ଦ୍ର ଶୁକ୍ଳା ଏକ ନାମକରା ବହୁଦେଶୀୟ କମ୍ପାନୀରେ କାମ କରନ୍ତି। ସେ ଉକ୍ତ ଫେକ୍ ଆକାଉଣ୍ଟ ବ୍ୟବହାର କରି ତାଙ୍କର ବ୍ୟକ୍ତିଗତ ଶତ୍ରୁତା ଥିବା ଜଣେ ପଡୋଶୀଙ୍କ ଉପରେ ଚାପ ପକାଉଥିଲେ ବୋଲି ପୋଲିସ କହିଛି। ଶୁକ୍ଳାଙ୍କଠାରୁ ୩ଟି ମୋବାଇଲ ଫୋନ୍ ଜବତ ହେବା ସହ ଆଇପିସିର ଧାରା ୫୦୪ ଏବଂ ୫୦୭ରେ ମାମଲା ରୁଜୁ ହୋଇଛି।