ନୂଆଦିଲ୍ଲୀ: ବୁଧବାର କାରବାର ଦିବସରେ ଟଙ୍କା ମୂଲ୍ୟରେ ଆଖିଦୃଶିଆ ବୃଦ୍ଧି ଦେଖିବାକୁ ମିଳିଛି। ଦିନରେ ଡଲାର ତୁଳନାରେ ଟଙ୍କାରେ ୨୦ ପଇସା ବୃଦ୍ଧି ସହିତ ୭୭.୫୧ ସ୍ତରରେ ବନ୍ଦ ହୋଇଛି। ଡଲାର ତୁଳନାରେ ଭାରତୀୟ ମୁଦ୍ରା ୭୭.୫୮ ସ୍ତରରେ ଖୋଲିଥିଲା। ଦିନର କାରବାର ସମୟରେ ଏହା ୭୭.୫୧ରୁ ୭୭.୬୨ ମଧ୍ୟରେ ଉପରତଳ ହୋଇଥିଲା। ମଙ୍ଗଳବାର କାରବାରରେ ଡଲାର ତୁଳନାରେ ଭାରତୀୟ ମୁଦ୍ରା ୧୭ ପଇସା ହ୍ରାସ ଘଟି ୭୭.୭୧ର ସର୍ବକାଳୀନ ସର୍ବନିମ୍ନ ସ୍ତରରେ ବନ୍ଦ ହୋଇଥିଲା। ଏହାଛଡ଼ା ଡଲାର ଇଣ୍ଡେକ୍ସରେ ମଙ୍ଗଳବାର ୦.୧୭% ବୃଦ୍ଧି ସହିତ ଏହା ୧୦୯.୯୨ ସ୍ତରରେ ରହିଥିଲା।