ସୋସିଆଲ ମିଡିଆରେ ପ୍ରତିଦିନ ଅନେକ ଭିଡିଓ ଭାଇରାଲ ହେଉଛି। ବେଳେବେଳେ ଏହି ଭିଡିଓ ଜରିଆରେ କିଛି ଲୋକଙ୍କ ପ୍ରତିଭା ଦେଖି ଆଶ୍ଚର୍ଯ୍ୟ ଲାଗିଥାଏ। ଏବେ ସୋସିଆଲ ମିଡିଆରେ ସେମିତି ଜଣେ ବୃଦ୍ଧଙ୍କ ଭିଡିଓ ଭାଇରାଲ ହେଉଛି। ଏହି ଭିଡିଓରେ ଜଣେ ବୃଦ୍ଧ ହ୍ରିତିକ ରୋଶନଙ୍କ ଫିଲ୍ମ ‘କ୍ରିଶ’ର ‘ଦିଲ ନା ଦିୟା’ ଗୀତରେ ନାଚୁଥିବାର ନଜର ଆସିଛନ୍ତି। ତାଙ୍କ ଷ୍ଟେପ୍ ସବୁ ଦେଖି ଲୋକେ ଆଶ୍ଚର୍ଯ୍ୟ ହୋଇଯାଇଛନ୍ତି। ଏହି ଭିଡିଓ ଇନଷ୍ଟାଗ୍ରାମରେ ଏସ୍. ସୁରେଶଙ୍କ ଦ୍ୱାରା ଶେୟାର କରାଯାଇଛି। ଭିଡିଓଟି ଏପର୍ଯ୍ୟନ୍ତ ୫୦,୦୦୦ରୁ ଅଧିକ ଭ୍ୟୁ ଏବଂ ୪,୦୦୦ରୁ ଅଧିକ ଲାଇକ ପାଇଛି।
ଏସ୍.ସୁରେଶ ଇନଷ୍ଟାଗ୍ରାମରେ s.sureshdancer ନାମକ ଏକ ଆକାଉଣ୍ଟ ଖୋଲିଛନ୍ତି। ପ୍ରାୟତଃ ସେ ବଲିଉଡ୍ ଗୀତରେ ନୃତ୍ୟ କରି ଲୋକଙ୍କ ହୃଦୟ ଜିତିଥାନ୍ତି। ବୟସ ହୋଇଯାଇଥିବା ସତ୍ତ୍ୱେ ବୃଦ୍ଧଙ୍କ ଷ୍ଟାଇଲ୍ ଦେଖି ଲୋକେ ଦିଓ୍ବାନା ହୋଇଯାଇଛନ୍ତି। ଲୋକମାନେ ସୁରେଶଙ୍କର ନୃତ୍ୟ ଦକ୍ଷତାକୁ ପ୍ରଶଂସା କରୁଛନ୍ତି। ଚାଚା ସୁରେଶଙ୍କ ଏପର୍ଯ୍ୟନ୍ତ ୧୭.୪ ହଜାର ଫଲୋଅର୍ସ ଅଛନ୍ତି।