ନୂଆଦିଲ୍ଲୀ,୨୫।୧ : ପ୍ରସିଦ୍ଧ ଶିଳ୍ପପତି ଆନନ୍ଦ ମହିନ୍ଦ୍ରା ସୋସିଆଲ ମିଡିଆରେ ବହୁତ ସକ୍ରିୟ । ସେ ତାଙ୍କ ଫଲୋଅରଙ୍କ ସହିତ ମଜାଳିଆ ଭିଡିଓ ଶେୟାର କରନ୍ତି। ସେ ବର୍ତ୍ତମାନ ହିମାଚଳ ପ୍ରଦେଶର ପାହାଡରେ କ୍ରିକେଟ ଖେଳୁଥିବା ସ୍ଥାନୀୟ ଲୋକଙ୍କ ଏକ ଭିଡିଓ ଶେୟାର କରିଛନ୍ତି। ଏହି ଭିଡିଓ ଶେୟାର କରିବାବେଳେ ସେ କହିଛନ୍ତି ଭାରତ କ୍ରିକେଟକୁ ଏକ ଅନ୍ୟ ସ୍ତରକୁ ନେଇଯାଇଛି।
ଆନନ୍ଦ ମହିନ୍ଦ୍ରା ଶେୟାର କରିଥିବା ଏହି ଭିଡିଓରେ ସ୍ଥାନୀୟ ମହିଳାମାନେ କ୍ରିକେଟ ଖେଳୁଥିବା ନଜର ଆସିଛନ୍ତି। ବିଶେଷ କଥା ହେଉଛି ଭୂମି ସମତଳ ନ ଥିବା ପାହାଡ ଉପରେ କ୍ରିକେଟ ଖେଳାଯାଉଛି। ଯେତେବେଳେ ବ୍ୟାଟରେ ବଲ ବାଜୁଛି ବଲ ପିଚ ତଳକୁ ଖସି ରାସ୍ତାକୁ ଆସି ପଡୁଛି।
ଏହି ଭିଡିଓକୁ ଏପର୍ଯ୍ୟନ୍ତ ୬ ଲକ୍ଷ ୩୭ ହଜାରରୁ ଅଧିକ ଥର ଦେଖାଯାଇଛି। ଏହି ପୋଷ୍ଟକୁ ୨୬ ହଜାର ଥର ଲାଇକ କରାଯାଇଛି ଏବଂ ପ୍ରାୟ ତିନି ହଜାର ଥର ରିପୋଷ୍ଟ କରାଯାଇଛି। ଏହି ପୋଷ୍ଟରେ ୟୁଜରମାନେ ମଧ୍ୟ ସେମାନଙ୍କର ପ୍ରତିକ୍ରିୟା ଦେଇଛନ୍ତି। ଏହି ଭିଡିଓଟି ଜାନୁଆରୀ ୭ ରେ ଗୋ ହିମାଚଲ ଆକାଉଣ୍ଟରୁ ଶେୟାର କରାଯାଇଥିଲା ।