ନୂଆଦିଲ୍ଲୀ,୧୧ ।୧୦: ମହିନ୍ଦ୍ରା ଆଣ୍ଡ ମହିନ୍ଦ୍ରା କମ୍ପାନୀର ଅଧ୍ୟକ୍ଷ ଆନନ୍ଦ ମହିନ୍ଦ୍ରା ସୋସିଆଲ ମିଡିଆରେ ସବୁବେଳେ ରହିଥାଆନ୍ତି ଆକ୍ଟିଭ । ସମୟ ସମୟରେ ଲୋକଙ୍କ ମନୋବଳ ବୃଦ୍ଧି କରିବାକୁ କିଛି ଭିଡିଓ ମଧ୍ୟ ଶେୟାର କରିଥାଆନ୍ତି । ନିକଟରେ ଆନନ୍ଦ ମହିନ୍ଦ୍ରା ନିଜ ଟୁଇଟର ଆକାଉଣ୍ଟରେ ଏକ ଫଟୋ ଶେୟାର କରିଛନ୍ତି । ଏଥିରେ ଏକ ମାଙ୍କଡ଼ ଡିଟିଏଚ୍ର ଏକ ଛତା ଉପରେ ବସିଥିବା ଦେଖାଯାଇଛି । ଏହାକୁ ନେଇ ଆନନ୍ଦ କହିଛନ୍ତି ଏହା ଉପରେ କ୍ୟାପଶନ ଲେଖିବାକୁ । ଆଉ ସର୍ବଶ୍ରେଷ୍ଠ କ୍ୟାପଶନ ଲେଖିଥିବା ବ୍ୟକ୍ତିଙ୍କୁ ସେ ପୁରସ୍କାର ସ୍ୱରୂପ ତାଙ୍କ କମ୍ପାନୀର ଏକ କାର୍ ଦେବେ ବୋଲି କହିଛନ୍ତି । ତେବେ ଅକ୍ଟୋବର ୧୧ ସୁଦ୍ଧା ହିନ୍ଦୀ କିମ୍ବା ଇଂରାଜୀରେ ଏହି କ୍ୟାପଶନ ଦେବାକୁ ପଡିବ । ତେବେ ୧୧ ତାରିଖ ଦ୍ୱିପ୍ରହର ସୁଦ୍ଧା ଏହାର କ୍ୟାପଶନ ଲେଖିବାକୁ ଥିବା ବେଳେ ଫଟୋଟିକୁ ଦେଖୁ ଦେଖୁ ପାଖାପାଖି ୪୨.୫ ହଜାର ଲୋକ ଏହାର ଉତ୍ତର ଦେଇଥିବା ଜଣାପଡିଛି । ଏହାସହ ଏହି ଟୁଇଟକୁ ୬.୭ ହଜାର ଲୋକ ରିଟୁଇଟ୍ କରିଥିବା ବେଳେ ୨୮ହଜାର ଏହାକୁ ଲାଇକ୍ କରିଥିବା ଜଣାପଡିଛି ।