ବମ୍ବେ: ଅଭିନେତା ଶାହିଦ କପୁରଙ୍କ ସାନ ଭାଇ ଈଶାନ ଖଟ୍ଟରଙ୍କ ସହ ବ୍ରେକ୍ଅପ୍ ପରେ ଏବେ ନୂଆ ସମ୍ପର୍କରେ ଯୋଡ଼ି ହୋଇଛନ୍ତି ଅନନ୍ୟା ପାଣ୍ଡେ। ବଲିଉଡ୍ର ହ୍ୟାଣ୍ଡସମ ହଙ୍କ ଆଦିତ୍ୟ ରୟ କପୁରଙ୍କୁ ଏବେ ଡେଟ୍ କରୁଛନ୍ତି ସେ। ଦିନକୁ ଦିନ ଉଭୟଙ୍କ ବନ୍ଧୁତା ଗାଢ଼ ହୋଇ ଚାଲିଛି। ହେଲେ ଏକାଠି ଏବେ ସେମାନେ ଲୋକଲୋଚନକୁ ଆସିବାକୁ ଚାହୁଁ ନାହାନ୍ତି। ଉଭୟ ନିଜ ସମ୍ପର୍କକୁ ଲୁଚାଇ ରଖିବାକୁ ଚାହୁଁଛନ୍ତି।
ପୂର୍ବରୁ ଅନନ୍ୟା ଈଶାନଙ୍କ ପ୍ରେମରେ ଉବୁଟୁବୁ ହେଉଥିଲେ। ଦୀର୍ଘ ୩ ବର୍ଷ ଧରି ପରସ୍ପରକୁ ଦୁହେଁ ଡେଟ୍ କରିଥିଲେ। ଏହାପରେ ସେମାନଙ୍କୁ ଛୁଟି ବିତାଇବାକୁ ବାହାରକୁ ଯାଉଥିବାର ଦେଖାଯାଇଥିଲା। ହେଲେ ଏବେ ଦୁହେଁ ବ୍ରେକ୍ଅପ୍ କରିନେଇଛନ୍ତି।