ନୂଆଦିଲ୍ଲୀ,୨୬।୨: ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆମ ଆଦମୀ ପାର୍ଟି ମୁଖ୍ୟ ଅରବିନ୍ଦ କେଜ୍ରିୱାଲ ପୁଣି ଥରେ ଇଡିରେ ହାଜର ହେବେ ନାହିଁ। ଆମ ଆଦମୀ ପାର୍ଟି କହିଛି, କେଜ୍ରିୱାଲ ଇଡି ଯିବେ ନାହିଁ। ଏହି ମାମଲା କୋର୍ଟରେ ଅଛି ଏବଂ କୋର୍ଟରେ ପରବର୍ତ୍ତୀ ଶୁଣାଣି ମାର୍ଚ୍ଚ ୧୬ରେ ହେବ। ଦୈନିକ ସମନ ପଠାଇବା ପରିବର୍ତ୍ତେ ଇଡି କୋର୍ଟର ନିଷ୍ପତ୍ତିକୁ ଅପେକ୍ଷା କରିବା ଉଚିତ। ଇଣ୍ଡିଆ ମେଣ୍ଟ ଛାଡିବାକୁ ଆମ ଉପରେ ଏହି ପ୍ରକାର ଚାପ ପଡୁଛି, ଆମେ ଏହାକୁ ଛାଡିବୁ ନାହିଁ। ମୋଦି ସରକାର ଆମ ଉପରେ ଏହିପରି ଚାପ ପକାଇବା ଉଚିତ୍ ନୁହେଁ।
ଅରବିନ୍ଦ କେଜ୍ରିୱାଲ କହିଛନ୍ତି, ଇଡି ଡାକିବା ବେଆଇନ ଅଟେ। ଯଦି ଏକ ଆଇନଗତ ସଠିକ ସମନ ପଠାଯାଏ ତେବେ ସେ ନିଶ୍ଚିତ ଭାବରେ ଇଡି ଆଗରେ ହାଜର ହେବେ। ଲୋକ ସଭା ନିର୍ବଚନ ପୂର୍ବରୁ ମୋତେ ଗିରଫ କରିବା ହେଉଛି ପ୍ରଧାନମନ୍ତ୍ରୀ ମୋଦିଙ୍କ ଷଡଯନ୍ତ୍ରର ଅଂଶ। ତାଙ୍କୁ ଗିରଫ କରି ସେ ଦିଲ୍ଲୀ ସରକାରକୁ ହାତେଇବାକୁ ଚାହୁଁଛନ୍ତି। କିନ୍ତୁ ଆମେ ନିଶ୍ଚିତ ଭାବରେ ଏହା ଘଟିବାକୁ ଦେବୁ ନାହିଁ। ଏହି ସମନଗୁଡିକ ରାଜନୈତିକ ଉଦ୍ଦେଶ୍ୟ ପ୍ରଣୋଦିତ।
ଅରବିନ୍ଦ କେଜ୍ରିୱାଲଙ୍କ ଓକିଲଙ୍କ ଦ୍ୱାରା ଦାଖଲ ହୋଇଥିବା ଆବେଦନରେ କୁହାଯାଇଛି ଯେ, ଦିଲ୍ଲୀ ବିଧାନସଭାର ବଜେଟ ଅଧିବେଶନ ଫେବୃଆରୀ ୧୫ରୁ ଆରମ୍ଭ ହୋଇ ମାର୍ଚ୍ଚ ପ୍ରଥମ ସପ୍ତାହ ପର୍ଯ୍ୟନ୍ତ ଜାରି ରହିବ। ମାର୍ଚ୍ଚ ୧୬ରେ ପରବର୍ତ୍ତୀ ଶୁଣାଣି ଦିନ ସେ ବ୍ୟକ୍ତିଗତ ଭାବେ କୋର୍ଟରେ ହାଜର ହେବେ ବୋଲି ଏଥିରେ କୁହାଯାଇଛି।