ଲିଡ୍ସ,୨୫।୮ : ଇଂଲଣ୍ଡ ବିପକ୍ଷ ତୃତୀୟ ତଥା ହେଡିଂଲେ ଟେଷ୍ଟରେ ପ୍ରଥମ ସେସନରେ ଅତ୍ୟନ୍ତ ସଙ୍କଟରେ ପଡ଼ି ଯାଇଛି ଭାରତୀୟ ଦଳ। ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିବା ଟିମ୍ ଇଣ୍ଡିଆ ପ୍ରଥମ ସେସନ ସୁଦ୍ଧା ୪ ପ୍ରମୁଖ ବ୍ୟାଟ୍ସମ୍ୟାନଙ୍କୁ ହରାଇ ମାତ୍ର ୫୬ ରନ୍ କରିଛି। ଭାରତୀୟ ଦଳର ଦୃଷ୍ଟି କୋଣର ଏକମାତ୍ର ଭଲ କଥା ହେଲା ଓପନର ରୋହିତ ଶର୍ମା (୧୫) ଏବେ ମଧ୍ୟ କ୍ରିଜ୍ରେ ଅଛନ୍ତି।
ପ୍ରଥମ ଓଭରରେ ହିଁ ଜିମ୍ମି ଆଣ୍ଡରସନଙ୍କ ବଲରେ ଆଉଟ୍ ହୋଇଥିଲେ ଲୋକେଶ ରାହୁଲ। ଐତିହାସିକ ଲଡର୍ସ ଗ୍ରାଉଣ୍ଡରେ ଶତକ ମାରିଥିବା ରାହୁଲ ଖାତା ଖୋଲିପାରି ନ ଥିଲେ। ସମାନ ଢ଼ଙ୍ଗରେ ଚେତେଶ୍ୱର ପୂଜାରା (୧) ଓ ଅଧିନାୟକ ବିରାଟ କୋହଲି (୭)ଙ୍କୁ ପ୍ୟାଭିଲିୟନ ପଠାଇଥିଲେ ଆଣ୍ଡରସନ। କ୍ରିଜ୍ ଜମି ଆସୁଥିବା ଉପ ଅଧିନାୟକ ଅଜିଙ୍କ୍ୟ ରାହାନେ (୧୮) ମଧ୍ୟ ଆଉଟ୍ ହୋଇସାରିଥିବାରୁ ଏବେ ରୋହିତଙ୍କ ଉପରେ ସବୁ କିଛି ନିର୍ଭର କରେ।