ନୂଆଦିଲ୍ଲୀ,୬।୧: ଇଂଲଣ୍ଡର ପୂର୍ବତନ ଦ୍ରୁତ ବୋଲର ଜେମ୍ସ ଆଣ୍ଡରସନ ଆଇପିଏଲ ୨୨୫ ପାଇଁ ମେଗା ନିଲାମରେ ନିଜକୁ ପଞ୍ଜୀକୃତ କରିଛନ୍ତି। ୪୨ବର୍ଷିୟ ଆଣ୍ଡରସନ ତାଙ୍କର ପ୍ରଥମ ଆଇପିଏଲ ଋତୁକୁ ଚାହିଁ ରହିଛନ୍ତି। ଏହାପୂର୍ବରୁ ସେ ଥରେ ଆଇପିଏଲ ଖେଳି ନଥିଲେ। ଆଣ୍ଡରସନ ବିଶ୍ୱର କୌଣସି ଲିଗର ଅଂଶ ନୁହଁନ୍ତି।
ବର୍ତ୍ତମାନ ପର୍ଯ୍ୟନ୍ତ ସେ ଇଂଲଣ୍ଡର କ୍ୱାଲିଟି ବ୍ଲାଷ୍ଟ ଲିଗରେ ଭାଗ ନେଇଛନ୍ତି। ବର୍ତ୍ତମାନ ଆଣ୍ଡରସନ ଇଂଲଣ୍ଡ ବାହାରେ ଟି -୨ କ୍ରିକେଟ ଲିଗ ଖେଳିବାକୁ ଆଗ୍ରହୀ ଥିବା ଜଣାପଡିଛି। ଖବର ଅନୁଯାୟୀ, ଆଣ୍ଡରସନ ଆଇପିଏଲ ପାଇଁ ତାଙ୍କର ବେସ୍ ପ୍ରାଇସ୍ ୧.୨୫କୋଟି ଟଙ୍କା ରଖିଛନ୍ତି। ଏବେ ଆଣ୍ଡରସନଙ୍କ ଉପରେ କେଉଁ ଦଳ ବିଡ କରିବେ ତାହା ଦେଖିବାକୁ ବାକି ଅଛି।
ସୂଚନାଯୋଗ୍ୟ, ଆଣ୍ଡରସନ ପ୍ରାୟ ୧୦ ବର୍ଷ ପୂର୍ବେ ତାଙ୍କ କ୍ୟାରିୟରର ଶେଷ ଟି -୨୦ମ୍ୟାଚ ଖେଳିଥିଲେ, ଯେତେବେଳେ ସେ ଶେଷ ଥର ପାଇଁ ୨୧୪ରେ ଭ୍ୟାଲିଟି ବ୍ଲାଷ୍ଟରେ ଭାଗ ନେଇଥିଲେ। ଏବେ ପ୍ରଶ୍ନ ଉଠେ ଯେ ୪୨ ବର୍ଷ ବୟସ୍କ ଫାଷ୍ଟ ବୋଲରଙ୍କୁ କିଏ କିଣିବେ? ଯିଏ ୧୦ ବର୍ଷ ପୂର୍ବେ ତାଙ୍କର ଶେଷ ଟି -୨୦ ମ୍ୟାଚ ଖେଳିଥିଲେ। ଏହି ପ୍ରଶ୍ନର ଉତ୍ତର କେବଳ ନିଲାମରେ ମିଳିବ।
ଆଣ୍ଡରସନ ଗତ କିଛି ବର୍ଷ ଧରି ଇଂଲଣ୍ଡ ପାଇଁ କେବଳ ଟେଷ୍ଟ କ୍ରିକେଟ ଖେଳୁଥିଲେ। ଜୁଲାଇ ୨୦୨୪ରେ ଲର୍ଡସ ଠାରେ ୱେଷ୍ଟଇଣ୍ଡିଜ ବିପକ୍ଷରେ ତାଙ୍କର ଶେଷ ମ୍ୟାଚ ଖେଳି ସେ ଅନ୍ତର୍ଜାତୀୟ କ୍ରିକେଟ କ୍ୟାରିୟର ଶେଷ କରିଥିଲେ। ଆନ୍ତର୍ଜାତୀୟ କ୍ରିକେଟକୁ ବିଦାୟ ଦେବା ପରେ ଆଣ୍ଡରସନଙ୍କୁ ଇଂଲଣ୍ଡ କ୍ୟାମ୍ପରେ ଜଣେ ମେଣ୍ଟର ଭାବରେ ଦେଖିବାକୁ ମିଳିଥିଲା।