ମୁମ୍ବାଇ,୧।୧ : ଉଦ୍ଧବ ଠାକରେଙ୍କ ନେତୃତ୍ୱାଧୀନ ଶିବସେନା ମଙ୍ଗଳବାର ଅଭିଯୋଗ କରିଛି ଯେ ଅନ୍ଧେରୀ ଇଷ୍ଟ ଉପ-ନିର୍ବାଚନରେ ଭୋଟରଙ୍କୁ ଉପରୋକ୍ତ କୌଣସିଟ ନୁହେଁ (ନୋଟା) ବିକଳ୍ପରେ ଭୋଟ ଦେବାକୁ ଭାଜପା ପକ୍ଷରୁ ଟଙ୍କା ଦିଆଯାଉଛି। ମଙ୍ଗଳବାର ସନ୍ଧ୍ୟା ୫ଟା ପର୍ଯ୍ୟନ୍ତ ଉପ-ନର୍ବାଚନ ପାଇଁ ପ୍ରଚାରର ଶେଷ ସମୟ ଥିଲା।
ଦଳର ବରିଷ୍ଠ ନେତା ଅନିଲ ପରାବ କହିଛନ୍ତି ଯେ ତାଙ୍କ ଦଳ ନିର୍ବାଚନ କମିଶନଙ୍କ ସହ ପୋଲିସ ସମ୍ମୁଖରେ ମଧ୍ୟ ଏହି ପ୍ରସଙ୍ଗ ଉଠାଇଛନ୍ତି। ଆଗାମୀ ବ୍ରିହାନମ୍ବାଇ ମ୍ୟୁନିସିପାଲିଟି କର୍ପୋରେଶନ (ବିଏମସି) ନିର୍ବାଚନରେ ମଧ୍ୟ ଏହାର ପ୍ରଭାବ ଅନୁଭୁତ ହେବ। କାରଣ ପ୍ରଥମ ଥର ପାଇଁ ମହା ବିକାଶ ଅଘାଡି (ଏମଭିଏ)ର ମିଳିତ ଶକ୍ତି ଦୃଶ୍ୟମାନ ହେବ। ଏମଭିଏ ଉଦ୍ଧବଙ୍କ ନେତୃତ୍ୱାଧୀନ ଶିବସେନା, ଏନସିପି ଏବଂ କଂଗ୍ରେସକୁ ନେଇ ଗଠିତଦ୍। ସେ ଅଭିଯୋଗ କରିଛନ୍ତି ଯେ ନୋଟାରେ ଭୋଟ ଦେବାଲାଗି ଲୋକଙ୍କୁ ଟଙ୍କା ଦିଆଯାଉଛି।
ତାଙ୍କ ପାର୍ଟି ପାଖରେ ଏଭଳି କାର୍ଯ୍ୟର ଭିଡିଓ କ୍ଲିପ ଅଛି ଯେଉଁଥିରେ ରାମଦାସ ଅଠାୱଲେଙ୍କ ନେତୃତ୍ୱାଧୀନ ରିପବ୍ଲିକାନ ପାର୍ଟି ଅଫ ଇଣ୍ଡିଆ (ଆରପିଆଇ) କର୍ମୀମାନେ ଦେଖାଯାଉଛନ୍ତି। ଶିବସେନା ଉଦ୍ଧବ ବାଲାସାହେବ ଠାକରେ ପାର୍ଟି ସ୍ବର୍ଗତଃ ବିଧାୟକ ରମେଶ ଲଟେକଙ୍କ ପତ୍ନୀ ଋତୁଜା ଲଟକେଙ୍କୁ ପ୍ରାର୍ଥୀ କରାଯାଇଛି। ରମେଶଙ୍କ ମୃତ୍ୟୁ ପରେ ଏହି ଆସନ ଖାଲି ଅଛି। ଏଥିରେ ଏହି ଉପ-ର୍ନିବାଚନ ଅନୁଷ୍ଠିତ ହେଉଛି।
ଭାଜପା ମୁର୍ଜି ପଟେଲଙ୍କୁ ପ୍ରାର୍ଥୀ କରିଥିଲା। କିନ୍ତୁ ପରେ ଦଳ ପ୍ରତିଦ୍ୱନ୍ଦ୍ୱିତା ନକରିବାକୁ ନିଷ୍ପତ୍ତି ନେଇଥିଲା ଏବଂ ପ୍ରାର୍ଥୀପତ୍ର ପ୍ରତ୍ୟାହାର କରିନେଇଥିଲା। ଗୋଟିଏ ପଟେ ଭାଜପା ପ୍ରାର୍ଥୀ ପ୍ରତ୍ୟାହାର କରି କହୁଛି ଯେ ମୃତ ବିଧାୟକଙ୍କ ପରିବାର ସଦସ୍ୟଙ୍କ ବିରୋଧରେ ପ୍ରାର୍ଥୀ ନଦେବା ପରମ୍ପରାକୁ ସମ୍ମାନ କରେ। ଅନ୍ୟପକ୍ଷରେ ଲୋକଙ୍କୁ ନୋଟାରେ ଭୋଟ ଦେବାକୁ ଟଙ୍କା ଦେଉଛି ବୋଲି ପରାବ କହିଛନ୍ତି।